Anar Ələkbərov: "Xalqımız, xüsusilə də Bakı əhalisi bu tədbiri böyük həvəslə gözləyir" - MÜSAHİBƏ

23 İyun 2017, 11:35
AAA

 

Azərbaycan Avtomobil Federasiyasının prezidenti Anar Ələkbərov 2017 Formula 1 Azərbaycan Qran Prisi ilə bağlı Trend-ə müsahibə verib.

AZXEBER.COM həmin müsahibəni təqdim edir:

- Anar müəllim, ölkəmizin ev sahibliyi etdiyi Formula 1 yarışları artıq başlamaq üzrədir. Sizcə, yarışlara hazırlıq işlərini necə qiymətləndirmək olar?

- Azərbaycan artıq ikinci ildir ki, Formula 1 yarışlarına ev sahibliyi edir. Builki yarışılar Formula 1 üzrə Dünya Çempionatının 8-ci mərhələsidir və Azərbaycan Qran Prisi adlanır. Ötən il olduğu kimi, bu il də yarışların yüksək səviyyədə, təhlükəsiz şəraitdə keçirilməsi üçün bütün lazımi tədbirlər görülüb.

Reqlamentə uyğun olaraq, yarışların keçirilməsi ilə bağlı işlər Beynəlxalq Avtomobil Federasiyası ilə əməkdaşlıq çərçivəsində həyata keçirilib. Məsuliyyət bölgüsünü və təhlükəsizlik məsələlərini əhatə edən müqavilələr imzalanıb, Formula 1 Azərbaycan Qran Prisinin beynəlxalq yarış təqviminə salınması üçün rəsmi prosedurlar həyata keçirilib, tələb olunan tibbi avadanlıqlar və yarış halqasının təhlükəsizliyinin daha da artırılması sahəsində görülmüş işlər barədə zəruri arayışlar Azərbaycan Avtomobil Federasiyası tərəfindən Beynəlxalq Avtomobil Federasiyasına təqdim olunub.

Təşkilati işlər ötən il olduğu kimi Bakı Şəhər Halqası Əməliyyat Şirkəti tərəfindən Azərbaycan Avtomobil Federasiyası ilə sıx əməkdaşlıq çərçivəsində həyata keçirilir. Yarışların əməliyyat komandası yaradılıb, 3000-dən çox könüllü işə cəlb edilib, geniş təbliğat kampaniyası aparılıb və yarış halqasının qurulması üzrə işlər görülüb. İnanıram ki, bu işə cəlb olunmuş komandanın bütün üzvləri təlimlərdə və iştirak etdikləri yarışlarda topladıqları təcrübəni bütünlüklə istifadə edərək yarışların uğurla keçirilməsinə öz töhfələrini verəcəklər.

- Bizdə olan məlumata görə, yarışların keçirilməsi ilə bağlı bütün məqamlarda yerli kadrlar fəaliyyət göstərir.

- Təşkilat heyəti, yarış rəsmiləri və avtoidman marşalları, əsasən, yerli mütəxəssislərdən ibarətdir. Təbii ki, bu, çox fərəhləndirici haldır. Bakı Şəhər Halqası Əməliyyat Şirkətinin dəstəyi ilə bütün zəruri təlimlərdən keçən yarış rəsmiləri və marşallara Azərbaycan Avtomobil Federasiyası tərəfindən beynəlxalq avtoidman lisenziyası verilib. Bu lisenziya ilə onlar təkcə Azərbaycanda deyil, ümumiyyətlə, Beynəlxalq Avtomobil Federasiyası tərəfindən keçirilən beynəlxalq yarışlarda iştirak imkanı əldə etmiş olurlar. Digər ölkələrin avtomobil federasiyaları ilə əməkdaşlıq çərçivəsində Azərbaycan Avtomobil Federasiyası tərəfindən marşallarımız təcrübə toplamaq məqsədilə bir neçə ölkədə keçirilən Formula 1 yarışlarına göndəriliblər. Onlar iştirak etdikləri bütün yarışlarda peşəkarlıqları ilə seçiliblər. Marşallarımızın bu il ərzində də daha bir neçə ölkəyə ezam olunmaları nəzərdə tutulur.

- Formula 1 yarışları ərəfəsində adətən digər yarış seriyalarından ibarət dəstək yarışları da keçirilir. Bu il də belə plan varmı?

- Bu il Azərbaycan Formula 1 yarışı ilə eyni günlərdə keçirilən Formula 2 yarışına da ev sahibliyi edəcək. Bu, əsasən, daha gənc pilotların iştirak etdiyi yarış seriyasıdır. Həmin yarışlarda uğurlu çıxış edən pilotlar gələcəkdə Formula 1 yarışlarında iştirak imkanı qazanırlar. Məhz bu səbəbdən bu yarışlar bir çox hallarda kifayət qədər gərgin mübarizə şəraitində keçir.

- Bilirik ki, Azərbaycan Avtomobil Federasiyası yol hərəkəti təhlükəsizliyi məsələsinə xüsusi diqqət ayırır. Yarış ərəfəsində də bu sahədə hansısa tədbirlər görülübmü?

- Azərbaycan Avtomobil Federasiyası Beynəlxalq Avtomobil Federasiyası ilə yol hərəkəti təhlükəsizliyinin artırılması sahəsində əməkdaşlıq çərçivəsində mütəmadi olaraq genişmiqyaslı təbliğat kampaniyaları aparır. Formula 1 yarışı günlərində də ictimaiyyətin diqqətinin bu yarışlara yönəldiyini nəzərə alaraq, Federasiya tərəfindən yol hərəkəti təhlükəsizliyinin təbliği ilə bağlı tədbirlər həyata keçirilir.

Ölümlə nəticələnən yol-nəqliyyat hadisələrinin sayının azaldılması məqsədilə məşhur idmançıların, mədəniyyət xadimlərinin, ictimaiyyət nümayəndələrinin iştirakı ilə Formula 1 yarışları ərəfəsində aparılan dünya miqyaslı təşqivat kampaniyasının ölkəmizdə də həyata keçirilməsinə başlanılıb. Şəhərin bir sıra yerlərində bu kampaniyaya aid təbliğat-təşviqat materialları yerləşdirilir. Layihənin məqsədi sürücüləri avtomobil idarə edərkən daha diqqətli olmağa və yol hərəkəti qaydalarına riayət etməyə çağırmaqdır. #3500lives (#3500həyat) devizi altında keçirilən kampaniya hərəkət iştirakçılarına hər gün dünyada yol-nəqliyyat hadisələri nəticəsində orta hesabla 3500 insanın həlak olduğunu xatırladaraq, qəzaların qarşısının alınmasının hərəkət iştirakçılarının öz əlində olduğunu göstərir.

- Formula 1 Azərbaycan Qran Prisinin nəticələri ilə bağlı proqnozlarınızı da bilmək istərdik.

- Təbii ki, qış aylarında hazırkı idman mövsümünə hazırlıqları daha uğurla həyata keçirən və favoritlər qismində çıxış edən komandalar var. Amma hər bir idman yarışında olduğu kimi, burada da dəqiq proqnoz vermək qeyri-mümkündür.

Biz öz növbəmizdə, yarışın maraqlı və sağlam mübarizə şəraitində keçəcəyinə ümid edərək iştirakçılara uğurlar arzulayırıq.

- Ötən il beynəlxalq mətbuatda ölkəmizin ev sahibliyi etdiyi yarışların çox yüksək səviyyədə təşkil olunması haqqında məqalələr geniş yer almışdı.

- Formula 1 Azərbaycan Qran Prisinin 2016-cı ildə ölkəmizdə ilk dəfə keçirilməsinə baxmayaraq, yarışlar Azərbaycanın yüksək təşkilatçılıq qabiliyyətini dünyaya bir daha nümayiş etdirdi. Təbii ki, bu, ölkəmizin son illər ərzində müxtəlif beynəlxalq tədbirlərin təşkilində əldə etdiyi təcrübədən irəli gəlir.

Beynəlxalq Avtomobil Federasiyası, Formula 1 komandaları və pilotları, müstəqil ekspertlər və jurnalistlər hazırlıq işlərinin və təhlükəsizlik tədbirlərinin yüksək səviyyədə həyata keçirilməsini, təşkilati işlərə cəlb olunmuş komandanın peşəkarlığını, şəhər sakinlərinin qonaqpərvərliyini yüksək qiymətləndirmişlər. Bu, Azərbaycan Respublikasının Prezidenti cənab İlham Əliyevin rəhbərliyi ilə xalqımızın əldə etdiyi böyük bir nailiyyətdir.

Müqəddəs Ramazan bayramı ərəfəsində təşkil olunan Formula 1 Azərbaycan Qran Prisi şəhərimizə xüsusi ovqat bəxş edib. Sevindirici haldır ki, xalqımız, xüsusilə də Bakı əhalisi bu tədbiri böyük həvəslə gözləyir və yarışların ən yüksək səviyyədə keçirilməsinə öz töhfəsini verməyə çalışır. Əminəm ki, ölkəmizdə hökm sürən tolerantlıq mühiti, xalqımızın qonaqpərvərliyi, səmimiliyi və sülhsevərliyi həmişə olduğu kimi, buraya gələn bütün qonaqlarda xoş təəssürat yaradacaq.

Mən bütün iştirakçılara qələbə sevinci arzulayıram. Azərbaycan xalqını isə qarşıdan gələn Ramazan bayramı münasibətilə təbrik edirəm.


Oxunma sayı : 372

SON XƏBƏRLƏR
AZTV-nin efirində mahnı oxuyan gənc hamını şoka saldı: "Ayə, hara gedirsən ayə?" (VİDEO) - 24 Noyabr 2017, 00:08
Məşhur futbolçuya 9 il həbs verildi - 23 Noyabr 2017, 23:25
Azərbaycan sərhədi yaxınlığında deputatlar arasında atışma: Ölənlər var - 23 Noyabr 2017, 22:40
Bu rayonlarda çörəyin qiyməti ucuzlaşdı – VİDEO - 23 Noyabr 2017, 22:10
Ermənilər işğal edilmiş Qarabağda təlimlər keçiriblər - 23 Noyabr 2017, 21:53
Bakıda İran vətəndaşı döyüldü - 23 Noyabr 2017, 21:39
Bakıda qadınlar arasında dava - 23 Noyabr 2017, 21:10
İŞİD öz üzvlərinin başını kəsdi - 23 Noyabr 2017, 20:56
Bir ayda 278 azərbaycanlı Türkiyədə ev alıb - 23 Noyabr 2017, 20:35
İbrahimoviç Çempionlar Liqasının tarixinə düşdü - 23 Noyabr 2017, 20:12
Rusiyada vəhşicəsinə döyülən azərbaycanlı tələbə ölüb - 23 Noyabr 2017, 19:37
ABŞ-da yaşayan azərbaycanlı cüdoçu çempion oldu - 23 Noyabr 2017, 18:40
Xocalı soyqırımı haqqında sənədli film ABŞ-da film festivalında nümayiş etdirilib - 23 Noyabr 2017, 18:27
Azərbaycan-Pakistan hərbi əməkdaşlığı müzakirə olunub - 23 Noyabr 2017, 18:25
Azərbaycanda məmur ürəktutmadan öldü - 23 Noyabr 2017, 18:21
Əkizlərdən Röyaya zərbə: "Nigara Camala səs verin" - 23 Noyabr 2017, 18:03
"Zara" mağazasının sabiq əməkdaşlarının məhkəmə istintaqı başa çatıb - 23 Noyabr 2017, 17:48
Abdul Xalid dünyasını dəyişən doğması üçün oxudu - "Anam hardasan?" FOTO - VİDEO - 23 Noyabr 2017, 17:23
“173 manatla bir ay yaşamaq olarmı?” – Deputatdan hökumət üzvlərinə sərt sual - 23 Noyabr 2017, 17:22
İntiqam almaq üçün İstanbula gedən gömrük rəisi və ya Rövşənin qardaşı - 23 Noyabr 2017, 17:19
Millət vəkili qəzəbləndi:"Hakimin bacısını…" - 23 Noyabr 2017, 16:52
"Azərbaycanda buzova görə 100, yeni doğulan körpəyə görə 45 manat ödənilir" -Millət vəkili - 23 Noyabr 2017, 16:41
Kürd referendumuna dəstək verən azərbaycanlı məmur işdən çıxarıldı - 23 Noyabr 2017, 16:36
İraqın şimalındakı “referendum”u dəstəkləyən şöbə müdiri işdən çıxarıldı - 23 Noyabr 2017, 16:32
Azərbaycan UEFA-nın reytinqində - 23 Noyabr 2017, 16:13
Tovuzda 27 yaşlı qadın bit dərmanı içdi ki ölsün, amma... - 23 Noyabr 2017, 15:46
"Uşaq pulu bərpa edilsin" - Deputatdan təklif - 23 Noyabr 2017, 15:44
Bir manatlıq pullar dəmir olacaq - Azərbaycanda - 23 Noyabr 2017, 15:38
Prezident Ağacan Abiyevi təltif etdi - SƏRƏNCAM - 23 Noyabr 2017, 15:33
MTN generalları məhkəmədə ifadə verdi - 23 Noyabr 2017, 15:31
Dino Ndlovu: “Adamın çəkdiyi əziyyətə heyfi gəlir” - 23 Noyabr 2017, 15:26
Millimiz FİFA reytinqində yenə gerilədi: 117-ci yerdəyik - 23 Noyabr 2017, 15:23
Nazir müavinindən pensiyaçılara ŞAD XƏBƏR - 23 Noyabr 2017, 15:18
"Bu alimlər də evlə təmin olunacaq" - Akif Əlizadə - 23 Noyabr 2017, 15:10
Müğənnidən etiraf: "Ərim qatil olmasın deyə dalaşmıram" - 23 Noyabr 2017, 15:05
Tanınmış yazıçının şeir kitabı çıxdı - 23 Noyabr 2017, 14:46
Jurnalist Natiq Qədimov dəfn edildi – Foto - 23 Noyabr 2017, 14:37
Gerye: "Hakim bizi "öldürdü"" - 23 Noyabr 2017, 14:33
Simeone: ""Qarabağ"ın "Roma"dan xal alacağına inanmalıyıq" - 23 Noyabr 2017, 14:28
Azərbaycan prezidenti NATO-nun Şimali Atlantika Şurasının iclasında - FOTO - 23 Noyabr 2017, 14:21
"Qarabağ"ın futbolçusunun qırmızı "Posche"si - FOTOLAR - 23 Noyabr 2017, 14:13
Bakıda yüzminlik maşını cızıq-cızıq edib üstünə zibil atdılar - VİDEO - 23 Noyabr 2017, 13:40
“Siz Milli Məclisin binasına nə vaxt daxil olmusunuz?" - Oqtay Əsədov deputatın təklifinə sərt reaksiya - 23 Noyabr 2017, 13:37
“Deputatların ezamiyyət pulu, maaşı artırılsın” - Siyavuş Novruzov - 23 Noyabr 2017, 13:02
“Buta Airways” AZAL-ın sərnişinlərindən əlavə pul aldı - RƏZİLLİK - 23 Noyabr 2017, 12:51
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: [email protected]
Əlaqə nömrəsi
012-493-13-65
077-270-01-10