08:58 çərşənbə Axşamı, 19 Iyun 2018
MEDİA

ATV-yə gətirilən Mustafa Çelik kimdir? - Açıqlama

19:09, 19.04.20171698
ATV-yə gətirilən Mustafa Çelik kimdir? - Açıqlama

"Azad Azərbaycan” telekanalında kütləvi ixtisarların başlanması və telekanal rəhbərliyinə türkiyəli Mustafa Çelikin gətirilməsi ilə bağlı xəbərlər yayılıb. 

AZXEBER.COM xəbər verir ki, məsələ ilə əlaqədar İstiPress ATV-nin İctimai-siyasi məsələlər və İctimaiyyətlə Əlaqələr Departamentinin rəhbəri Turan İbrahimov ilə əlaqə saxlayıb. O, Mustafa Çelikin ATV-də işə başlamasını təsdiq edib:

"Mustafa Çelik adlı şəxs ATV-də texniki məsələlər üzrə məsləhətçi qismində əməkdaşlığa cəlb olunub. ATV-nin bir neçə beynəlxalq layihəsi var idi. O da həmin layihələr çərçivəsində Türkiyədən gələn peşəkarlardan biri idi. Bilirsiniz ki, Azərbaycanda televiziya sahəsində ciddi kadr çatışmazlığı var. Şöhbət müasir kadrlardan gedir. Bu səbəbdən Mustafa Çelik Türkiyədən dəvət olunmuş bir mütəxəssisdir. Onun kanalın idarəçiliyinə aiddiyyatı yoxdur. Kanalın rəhbəri Vüqar Qaradağlı ATV-nin prezidentidir. Mustafa Çelik də birbaşa Vüqar Qaradağlının iradəsi və razılığı ilə telekanalda texniki məsələlərə uyğunlaşma və nəzarət işlərinə baxır”. 

Departament rəhbəri eyni zamanda kanalda heç bir kütləvi ixtisarların olmadığını da əlavə edib:

"ATV yeganə kanaldır ki, maliyyə baxımından vəziyyəti çox yaxşıdır. Bu da heç kəsə sirr deyil. Əmək haqqları da ödənilir. Heç vergilərlə də problemimiz yoxdur. İxtisarlara gəlincə isə iqtisadi məsələlər gündəmə gəlir. ATV-də isə heç vaxt kütləvi ixtisarlar olmayıb.

Eyni zamanda ATV HD yayımın həyata keçməsi ilə də məşğuldur. Bunun üçün xaricdən çoxsaylı avadanlıqlar gətirilib. Bu avadanlıqların işlədilməsi üçün peşəkarlar cəlb edilir. Onlara nəzarət də birbaşa Vüqar Qaradağlı həyata keçirir. Cəlb olunmuş işçinin hər hansı işçini işdən çıxartması isə absurd bir fikirdir. ATV-dən yalnız işinin öhdəsindən gəlməyənlər gedir. Bu da normaldır”.

XƏBƏR LENTİ