11:24 Cümə, 22 Iyun 2018
ÖZƏL

Azərbaycanda daha bir bank çökür: əmanət faizləri kəskin azaldıldı

14:26, 03.01.20183283
Azərbaycanda daha bir bank çökür: əmanət faizləri kəskin azaldıldı
"Turanbank” ASC Azərbaycan manatı, ABŞ dolları və avro ilə qəbul etdiyi əmanətlərin illik faiz dərəcəsini kəskin azaldıb.

AZXEBER.COM xəbər verir ki, bu barədə "Report” Bankın rəsmi internet səhifəsinə istinadən xəbər verir.

Məsələn, hazırda "Turanbank”da 3 il müddətinə, milli valyutada yerləşdirilən əmanətlərə görə faizlərin aylıq və yaxud müddətin sonunda götürülməsindən asılı olaraq 12,5-12,9% divident ödənilir. Halbuki, indiyə qədər illik gəlirlilik 18-19% olub.

Bank 3 il müddətinə Amerika valyutası ilə qəbul etdiyi əmanətlərin illik faiz dərəcəsini 6-6,5%-dən 3-3,25%-ə, 3 il müddətinə Avropa valyutası ilə yerləşdirilən əmanətlərin illik gəlirliliyini isə 3-3,5%-dən 1,25-1,5%-ə endirib. 

Xatırladaq ki, "Turanbank" 1992-ci ildə yaradılıb. Onun nizamnamə kapitalı 55 003 470 manatdır. Bankın səhmlərinin 28,4%-i 6 hüquqi şəxsə, 71,6%-i isə 21 fiziki şəxsə məxsusdur
XƏBƏR LENTİ