12:29 Cümə, 15 Dekabr 2017
İQTİSADİYYAT

Azercell mobil telefon abunəçilərinə xəbərdarlıq edib

17:30, 09.10.2017594
Azercell mobil telefon abunəçilərinə xəbərdarlıq edib

Son vaxtlar "Azercell Telekom” MMC tərəfindən güzəştli kredit kampaniyası çərçivəsində abunəçilərin istifadəsinə verilən mobil telefon (smartphone) cihazlarının 3- cü şəxslərə təkrar satılması üzrə sui-istifadə halları müşahidə edilir.

AZXEBER.COM xəbər verir ki, şirkətin yaydığı məlumatda diqqətə çatdırılır ki, belə cihazlara mülkiyyət hüququ müvafiq ödənişlər tam həcmdə həyata keçdikdən sonra əldə edilir və bundan sonra özgəninkiləşdirilə bilər. Bu səbəbdən ödənişləri tam həcmdə həyata keçirilməmiş və borclanmış həmin cihazlardan istifadəyə məhdudiyyət tətbiqi halları mümkündür.

Belə hallarda müvafiq cihazlar ilə bağlı yaranan mübahisələrə görə "Azercell Telekom” MMC cavabdehlik daşımır və belə hüquqazidd əməliyyatlarda iştirak edən şəxslərə qarşı qanunvericilikdə nəzərdə tutulmuş qaydada tədbirlər görülməsi hüququnu özündə saxlayır.

Göstərilənləri nəzərə alaraq qeyri-rəsmi, şübhəli mənbələrdən, yeni və yaxud istifadə olunmuş mobil telefon (smartphone) cihazlarını əldə etməməyi tövsiyə edirik.

"Azercell Telekom” MMC  bildirir ki, əldə edilməsi arzu edilən mobil telefon (smartphone) cihazının güzəştli kredit kampaniyaya aidiyyatını "Azercell Telekom” MMC-nin MX-nə müraciət etməklə dəqiqləşdirməniz mümkündür.

0
XƏBƏR LENTİ