05:00 çərşənbə, 19 Sentyabr 2018
KRİMİNAL

Bakıda keçmiş məhkumlardan silah götürülüb – FOTO

12:46, 28.02.20181326
Bakıda keçmiş məhkumlardan silah götürülüb – FOTO

Sabunçu Rayon Polis İdarəsi 14-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində əvvəllər məhkum olunmuş, Maştağa qəsəbə sakini İmran Cavadov qanunsuz olaraq odlu silah saxlamaqda şübhəli bilindiyi üçün saxlanılıb.  

DİN-dən  verilən məlumata görə, onun evinə baxış keçirilən zaman çarpayının altında gizlətdiyi bir ədəd "Naqan” markalı tapança və üç ədəd patron aşkar olunaraq götürülüb.

Ekspertizaya təqdim olunan tapançanın istifadəyə yaralı olması barədə rəy verilib.

Sabunçu Rayon Polis İdarəsi Cinayət Axtarış Şöbəsi əməkdaşlarının həyata keçirdikləri digər bir əməliyyat nəticəsində isə əvvəllər məhkum olunmuş, Balaxanı qəsəbə sakini Bəybala Qarabəyov saxlanılıb.

Polis idarəsində hal şahidlərinin iştirakı ilə onun üzərində şəxsi axtarış keçirilən zaman əlindəki çantanın içərisindən sandıqçasında 10 ədəd patron "AKS-74” markalı avtomat aşkar olunaraq götürülüb.

Hər iki faktla bağlı Cinayət Məcəlləsinin müvafiq maddəsi ilə cinayət işi başlanılıb, zəruri istintaq hərəkətləri və əməliyyat-axtarış tədbirləri davam etdirilir.





XƏBƏR LENTİ