12:47 Cümə, 20 Iyul 2018
TOP4

Beynəlxalq Bankın şöbə müdiri 1 milyon mənimsədi - Ölkədən qaçarkən saxlanıldı

16:35, 09.04.20183889
Beynəlxalq Bankın şöbə müdiri 1 milyon mənimsədi - Ölkədən qaçarkən saxlanıldı
Azərbaycan Beynəlxalq Bankının Gəncə filialının "Yeni Gəncə” şöbəsinin müdiri Cəlil Əlizadə həbs olunub.
 
AZXEBER.COM "Qafqazinfo”ya istinadən xəbər verir ki, o, ailəsi ilə birgə ölkədən qaçarkən sərhəddə saxlanılıb.

Məlumata görə, hadisə ötən gecə baş verib. Belə ki, bankın şöbə müdiri külli miqdarda vəsaiti (bir milyon manatdan artıq) mənimsəyib. Onun hətta sərhədi keçdiyi, lakin sonradan saxlanılaraq geri qaytarıldığı bildirilir.

C. Əlizadənin, eyni zamanda banka qoyulan depozitləri oğurladığı, müxtəlif şəxslərin adına kreditlər rəsmiləşdirərək ələ keçirdiyi haqda məlumatlar var.

Hazırda Beynəlxalq Bankın rəhbərliyi Gəncəyə səfər edib. Məsələ ciddi şəkildə araşdırılır.

Bankdan hadisə ilə bağlı hələlik hər hansı bir rəsmi açıqlama vermək niyyətində olmadıqlarını qeyd ediblər.

Məlumat üçün bildirək ki, ABB-in Gəncə filialının müdiri iki ay əvvəl öz ərizəsi ilə işdən azad olunub.
XƏBƏR LENTİ