21:35 Bazar Günü, 17 Dekabr 2017
GƏNCLİK

"Beynəlxalq hüququn bizə imkan verdiyi bütün normalara uyğun olaraq, Ermənistan tərəfinin cəzalandırılmasına nail olacağıq"

15:05, 05.07.2017585
"Ötən gün Füzuli rayonunun Alxanlı kəndində Ermənistan tərəfindən mülki şəxslərə qarşı törədilən cinayət faktına "insani yol " carçıları adlandırılan beynəlxalq təşkilatların sərt təpkisini görmək nədənsə bu səfər də bizə nəsib olmadı. Beynəlxalq hüquq prinsiplərinin kobud şəkildə pozulduğu halda heç bir beynəlxalq təşkilat işğalçı Ermənistana qarşı sanksiyalar tətbiq etmir"
 
Bu sözləri AZXEBER.COM-a açıqlamasında Gənclər üçün Təhsil Mərkəzinin icraçı direktoru Fəxrəddin Həsənzadə deyib. 
 
O deyib ki, bununla bağlı kampaniyaya start veriblər: "ATƏT-in Minsk Qrupunun həmsədrləri bütün hallarda Ermənistan tərəfinin qeyri-konstruktiv mövqe göstərməyinə baxmayaraq münaqişə tərəflərini dözümlülük nümayiş etdirməyə çağırması ədalətsizlikdən başqa məna kəsb etmir. Ermənistan tərəfindən atəşkəsin növbəti dəfə pozulması nəticəsində 2 yaşlı Quliyeva Zəhra və nənəsi Quliyeva Sahibənin həlak olması BMT-nin Uşaq Hüquqları Konvensiyasının uşaqların müdafiə və yaşamaq hüquqlarının aşkar və heç bir insanlığa sığmayaraq vəhşi şəkildə pozulmasıdır. Bununla əlaqədar olar təmsil etdiyim Gənclər üçün Təhsil Mərkəzi uşaq hüquqlarının qorunması üçün qurulan BMT-nin Uşaq Fondunun (UNİCEF) rəhbərliyinə baş verən cinayətlə bağlı münasibət bildirməsi üçün bəyanat yollamışdır. Həmçinin sözü gedən cinayətin dünya ictimaiyyətinə çatdırılması üçün tərəfimizdən "Twitter” şəbəkəsində kütləvi aksiyalar bu gündən etibarən həyata keçirilməkdədır. Bir sözlə, Azərbaycan tərəfinin ixtiyarında olan və beynəlxalq hüququn bizə imkan verdiyi bütün normalara uyğun olaraq, Ermənistan tərəfinin cəzalandırılmasına nail olacağıq. Müharibədə haqlı və zərərçəkmiş tərəf olaraq, beynəlxalq aktların və konvensiyaların işğalçılar tərəfindən pozulması faktlarını aşikarcasına hər qəbul olunan sənəddə görmək mümkündür.
 
Belə ki, torpaqlarımızın 20 faizi Ermənistan tərəfindən işğal olunduğu halda, Helsinki Aktının 4-cü prinsipinin ("Dövlətlərin ərazi bütövlüyünün qorunması”), XX əsrin ən dəhşətli cinayəti olan Xocalı soyqırımının törədildiyi halda Aktın 2-ci prinsipinin ("Zor işlətməmək”), əzəli Azərbaycan torpaqlarını işğal edərək BMT-nin 4 qətnaməsini nəzərə almayaraq Aktın 5-ci prinsipinin ("Mübahisənin dinc yolla həll olunması”) və atəşkəs elan olunduğu halda belə separatçılarının ölkə ərazimizə daima silahlı basqın edərək Aktın 3-cü prinsipinin ("Sərhədlərin toxunulmazlığı”) pozulduğu bir halda beynəlxaql təşkilatların cinayətkar erməni rejimin dünya ictimaiyyətinə meydan oxumasını göstərir. Öz növbəmizdə hazırda əzəli torpaqlarından didərgin düşmüş şəxslərin hüquqlarının qorunması və təcavüzkar tərəfində beynəlxalq ictimaiyyət tərəfindən ifşa edilməsi istiqamətində, separatçı rejimin işğal altında olan Xankəndində beynəlxalq gənclər konfransının keçirilməsinə qarşı təzyiqlərimizi davam etdirəcəyik.
0
XƏBƏR LENTİ