20:04 Cümə, 14 Dekabr 2018
Manşet

"CBC Sport, Türkiyə liqasının oyunlarını alıb, özünüz işdə baxırsız?" - FOTO

13:56, 11.10.20174765
Xəbər verdiyimiz kimi, CBC Sport telekanalı Türkiyə liqasının yayımlayacağını rəsmi şəkildə açıqlasa da, sonradan geri addım atıb.
 
AZXEBER.COM-un məlumatına görə, telekanalın rəhbəri Volkan Üst bir müddət öncə açıqlamasında deyib: "Böyük sevinc hissi ilə tamaşaçılarmıza, futbol ictimayyətinə, futbolu sevən hər kəsə bildirmək istəyirik ki, Türkiyə superliqasının oyunları tarixdə ilk dəfə Türkiyədən kənarda fəaliyyət göstərən və açıq yayımda olan kanal vasitəsi ilə yayımlanacaq. Bu ilkə "CBC Sport” imza atdı".
 
Bu açıqlama cəmiyyətdə böyük sevinclə qarşılansa da, matç günü CBC Sport telekanalı tamaşaçıları məyus etdi: "Texniki problem olduğuna görə, oyunları yayımlaya bilmirik".
 
Maraqlıdır ki, bu problem artıq 1 aydan çoxdur davam edir.
 
Telekanala etirazlar sosial şəbəkələrdə də artır. Cəlal Hüseynbəyli adlı futbol azarkeşinin telekanalın rəsmi səhifəsinə yazdığı şərh isə günün trendinə çevrilib. O telekanalın səhifəsinə yazıb: "Bu Türkiyə liqasının oyunlarını alıb, özünüz işdə baxırsız?" 
 
Bu fikiri bir neçə saat ərzində 3 minə yaxın insan bəyənib, onlarla səhifədə paylaşılıb.
 
Telekanal isə ittihamlara cavab vermək əvəzinə, həmin istifadəçinin paylaşımını silib. Bu addım insanları daha da qəzəbləndirib və onlar telekanal rəhbərliyini kəskin tənqid ediblər. 
 

XƏBƏR LENTİ