19:58 Bazar Günü, 17 Dekabr 2017
SOSİAL

Dərslik qalmaqalı AMEA və Tarix İnstitutunu üz-üzə qoydu

15:28, 13.10.2017374
Dərslik qalmaqalı AMEA və Tarix İnstitutunu üz-üzə qoydu

Azərbaycan Milli Elmlər Akademiyasının (AMEA) və Təhsil Nazirliyinin mətbuat xidmətləri X sinif tarix dərsliyi ilə bağlı birgə açıqlama yayıb.

Təhsil Nazirliyinin mətbuat xidmətindən AZXEBER.COM-a verilən xəbərə görə, bəyanatda deyilir ki, bu günlərdə Tarix İnstitutunun Elmi Şurasının 10-cu sinif "Ümumi tarix” dərsliyi ilə bağlı yaydığı bəyanatda şərh olunan məsələlər bir çox KİV-in xəbər başlıqlarında AMEA-nın mövqeyi kimi göstərilir.

"Bu da yanlış rəylərə gətirib çıxarır və medianın əsas prinsiplərinə ziddir. AMEA-nın mətbuat xidməti olaraq bildiririk ki, akademiyanın struktur bölməsi olan Tarix İnstitutunun bu bəyanatı bütövlükdə AMEA-nın mövqeyini əks etdirmir. AMEA-nın və Təhsil Nazirliyinin mətbuat xidmətləri kütləvi informasiya vasitələrindən qeyd olunan məsələdə dürüst və obyektiv olmağı, xəbər başlıqlarına diqqətlə yanaşmağı xahiş edir", - deyə açıqlamada bildirilir.


0
XƏBƏR LENTİ