20:23 Cümə Axşamı, 21 Iyun 2018
MEDİA

Əl Cəzirə Media Şəbəkəsinin nümayəndəsi Əli Həsənovla görüşüb - FOTO

00:26, 07.09.2017398
Əl Cəzirə Media Şəbəkəsinin nümayəndəsi Əli Həsənovla görüşüb - FOTO

Beynəlxalq Avrasiya Mətbuat Fondunun dəvəti ilə Azərbaycana səfər edən Əl-Cəzirə Media Şəbəkəsinin ictimai azadlıqlar və insan haqları idarəsinin direktoru Sami Əl Hac və BAMF-ın prezidenti Umud Mirzəyev bu gün Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənovla görüşüb.

BAMF-ın Mətbuat departamentindən verilən məlumata görə, görüş zamanı Sami Əl Haj Əl-Cəzirə Media Şəbəkəsinin Azərbaycanla bağlı reportajlara xüsusi önəm verdiyini ifadə edib. O, Əl Cəzirənin ölkə rəhbəri ilə müsahibəsinin ərəb ölkələrində, daha sonra Əl-Cəzirə ingilsdə nümayiş etdirildiyini və ciddi marağa səbəb olduğunu ifadə edib. Sami Əl Haj Azərbaycan mediasının və hökumətininin Qətər ətrafında yaranmış vəziyyətlə əlaqədar obyektiv mövqeyini də yüksək dəyərləndirib. Sami Əl Haj Azərbaycana səfəri çərçivəsində Qəbələ, Oğuz, Şəki rayonlarında olduğunu, Azərbaycanda turizm potensialının və sektorunun inkişafı üçün yaradılan şəraitdən məmnun qaldığını bidirib. Müharibədən zərəçəkən regionlara da səfər etdiyini bildirən qonaq, ermənilərin Dağlıq Qarabağa köçürülməsinin 150 illiyi ilə bağlı 1978-ci ildə Tərtərin Marağa kəndində ucaldılmış abidəni ziyarət etdiyini, müharibə nəticəsində dağılmış kəndlərlə, məhv edilmiş maddi-mənəvi dəyərlərlə yaxından tanış olduğunu bildirib.

O, məcburi köçkünlərin həyat şəraitinin yaxşılaşdırılması məqsədi ilə Tərtər və Bərdə rayonlarında infrastrukturun bərpası istiqamətində görülən işləri yüksək dəyərləndirib. Müharibədən zərəçəkmiş regionlarda BAMF-ın gördüyü sosial-humanitar proqramların infrastrukturun bərpası və sülh quruculuğu prosesində vacib amil olduğunu bildirən Sami Əl Haj, BAMF-la əməkdaşlıqdan məmnuq olduqlarını ifadə edib. Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov medianın inkişafı istiqamətində Əl-Cəzirə ilə əməkdaşlıq perespektivlərinin əhəmiyyətini vurğulayıb. O, Əl Cəzirə və Azərbaycan mediası arasında əlaqələrin inkişaf etdirilməsi üçün BAMF –ın gördüyü işləri xüsusi qeyd edərək, Əl Cəzirənin təcrübəsini və imkanlarını yüksək dəyərləndirdiyini ifadə edib. Ə.Həsənov Sami Əl Hajın Azərbaycanın dostları siyahısında olmasından məmnun olduğunu və əlaqələrin inkişaf etdirilməsi üçün birgə layihələrin icrasına xüsusi önəm verdiyini bildirib.

O, BAMF prezidenti Umud Mirzəyevin və Əl Cəzirə Media Şəbəkəsinin təşəbbüsü ilə hazırlanan, Azərbaycan Mətbuat Şurasının təşkilatçılar sırasında yer aldığı və bu ilin sonuna qədər keçirilməsi planlaşdırılan "Sülh və Jurnalistika” beynəlxalq tədbirinin əhəmiyyətini qeyd edib. Görüşün sonunda Əl-Cəzirənin Büllur Mükafatı Əli Həsənova təqdim olunub.

XƏBƏR LENTİ