16:56 çərşənbə, 23 May 2018
SOSİAL

“Eldar Mahmudov onun evinə tapança qoydurub, həbs etdirdi” - General

13:35, 24.11.20174353
“Eldar Mahmudov onun evinə tapança qoydurub, həbs etdirdi” - General
Ləğv edilmiş Milli Təhlükəsizlik Nazirliyi (MTN) Antiterror Mərkəzinin rəisi, general-mayor Elçin Quliyev və Mərkəzin əməkdaşı, polkovnik Azər Mehdiyevin cinayət işi üzrə məhkəmə prosesi davam edib.
 
AZXEBER.COM lent.az-a istinadən xəbər verir ki, prosesdə Elçin Quliyev zərərçəkmişlərin çıxışına münasibət bildirib. O, möhkəm səslə qeyd edib ki, bu işdə heç bir günahı yoxdur: "Mən özümü təqsirkar bilmirəm. Çünki mənim heç bir günahım yoxdur. Cinayət törətməmişəm".
 
Zərərçəkmiş Mətləb Mustafayevin həbs edilməsinə münasibət bildirən general deyib ki, bunun sifarişini məhz nazir özü edib: "Eldar Mahmudov prokurorluqla razılaşdıraraq, Mətləbin evinə tapança qoydurub, həbs etdirib".
 
Zərərçəkmiş Mətləb Mustafayev də bildirib ki, Elçin Quliyev  ötən prosesdə çıxış edərək Eldar Mahmudovun onunla görüşmək istədiyini deyib: "Çıxışında açıqca dedi ki, Eldar Mahmudov vəzifədən azad olundan sonra onunla məxfi yollarla görüşmək istəyib, lakin Elçin razılaşmayıb. Bundan başqa, Elçin Quliyev həbsxanada intihar edən İlqar Əliyevdən danışdı. Elçin çıxışında İlqarın ona zəng edərək, vəkil istədiyini dedi".

Daha sonra təqsirləndirilən şəxslərin vəkilləri çıxış ediblər. Elçin Quliyevin vəkili müvəkkili barəsində bəraət hökmünün çıxarılmasını və mülklərindən həbsin götürülməsini tələb edib.
 
Polkovnik Azər Mehdiyevin vəkili də  çıxış edərək bəraət istəyib.
 
Məhkəmə general Elçin Quliyevə və polkovnik Azər Mehdiyevə son sözlə çıxış etmək üçün 3 gün vaxt verib.
 
Proses  noyarbın 27-də davam edəcək.
 

XƏBƏR LENTİ