05:49 Bazar Günü, 22 Sentyabr 2019
SİYASƏT

Əli Əhmədov: “Bəzi azsaylı qüvvələr ölkəmizin möhtəşəm inkişafına böhtan atırlar”

13:18, 11.05.20195236
Əli Əhmədov: “Bəzi azsaylı qüvvələr ölkəmizin möhtəşəm inkişafına böhtan atırlar”

"Azərbaycanda bəzi azsaylı qüvvələr var ki, ölkəmizin möhtəşəm inkişafına böhtan atır, yalanla, iftira ilə ölkəmizin inkişafına kölgə salmağa çalışır”.

AZXEBER.COM xəbər verir ki, bunu Yeni Azərbaycan Partiyasının sədrinin müavini, Baş nazirin müavini Əli Əhmədov deyib.

O bildirib ki, Azərbaycan vətəndaşları bu cür cəhdlərə inanmır: "Çünki insanın öz gözü ilə gördüyünü nə qədər bəlağətli şəkildə təhrif etməyə çalışsan da yəqin ki, bir nəticə verməyəcəkdir. Azərbaycan gözlərimizin önündə ən azı son 15 ildə nə qədər dəyişib. Bakı dünyanın ən gözəl şəhərlərindən birinə çevrilib. Dünyanın ən möhtəşəm idman tədbirləri Bakı şəhərində keçirilir. Bir neçə gün öncə bütün dünyanın izlədiyi "Formula 1” yarışına ev sahibliyi etdik və bir neçə gündən sonra UEFA Avropa Liqasının final oyunu Bakıda keçiriləcək. Bunlar təsadüfi deyil. Əgər Azərbaycanın paytaxtı və bütövlükdə ölkəmiz inkişaf etməsəydi, dəyişməsəydi, belə əzəmətli tədbirlərin keçirilməsi üçün infrastruktur olmasaydı belə tədbirlərin harda keçirilməsi sualı ortaya çıxanda Bakı şəhəri heç kimin yadına düşməzdi. Bunlar təkcə idmanla əlaqədar deyil. Bir neçə həftə bundan əvvəl ilk ölkəmizdə humanitar forum keçirildi”.

Ə. Əhmədov qeyd edib ki, Azərbaycan və paytaxt Bakı bu gün dünyanın diqqət mərkəzindədir: "Dünyanın aparıcı televiziya kanalları ölkəmiz haqqında tez-tez süjetlər verir. Bu gün insanların da həyatı və düşüncələri dəyişir. Ölkəmiz müasirləşdikcə insanlarımız da müasirləşir. Bütün bunların fonunda kimlərinsə Azərbaycanın reallıqlarını təhrif etməyə çalışması, böhtan atması bir vətəndaş olaraq hamımızın qəlbini incidir”.
XƏBƏR LENTİ