Etikanı pozan deputat mandatı itirəcək - Qanuna sərt dəyişiklik

21 Aprel 2017, 14:02
AAA
Son vaxtlar Milli Məclisdə təmsil olunan bir sıra deputatlar fikirlərini ifadə edərkən bilərəkdən ya da bilməyərəkdən bəzi yanlış ifadələr seçirlər ki, bu da cəmiyyətdə böyük səs-küy doğurur.
Bundan sonra isə həmin deputatlar "mən əslində elə demək istəmirdim, fikirlərim yanlş anlaşılıb” ya da "mətbuat fikirlərimi təhrif edib” deməklə özlərinə haqq qazandırmağa çalışır, günahı jurnalistlərin üstünə yıxırlar.
 
Söhbəti konkret olaraq, hansısa deputat üzərində cəmləşdirmək istəmirik. Sadəcə, belə bir məqamda, yəni deputatların qeyri-etik ifadələrinə görə ictimaiyyət onların mandatdan məhrum edilməsi tələbi irəli sürür. Sosial şəbəkələrdə də belə təkliflər, iddilar qeyd edilir.
 
Aprelin 20-də Milli Məclisin İnsan hüquqları və Hüquq siyasəti və dövlət quruculuğu komitələrinin birgə iclası keçirilib. İclasda "Azərbaycan Respublikası Milli Məclisi deputatının etik davranış qaydaları haqqında” qanun layihəsi müzakirə olunub.

Bəs deputat səsləndirdiyi yanlış fikirlərə görə, mandatından məhrum oluna bilərmi?
 
Sayt məsələni hüquqi cəhətdən başqa aspektdən araşdırmağa araşdırmağa çalışıb. Məlum olub ki, yeni qanun layihəsi ötən ilin sentyabrında keçirilən referendumla əlaqədardır. Belə ki, yeni sənəd ümumxalq səsverməsində qəbul olunan bir məsələyə uyğun olaraq hazırlanıb.
 
Əvvəlki Konstitusiyanın 89-cu maddəsinin I bəndinə əsasən, deputatlar aşağıdakı hallarda səlahiyyətlərini itirə və mandatlarından məhrum edilə bilərlər:
 
1) seçkilər zamanı səslərin düzgün hesablanmadığı aşkar olunduqda;
 
2) Azərbaycan vətəndaşlığından çıxdıqda və ya başqa dövlətin vətəndaşlığını qəbul etdikdə;
 
3) cinayət törətdikdə və məhkəmənin qanuni qüvvəyə minmiş hökmü olduqda;
 
4) dövlət orqanlarında vəzifə tutduqda, din xadimi olduqda, sahibkarlıq, kommersiya və başqa ödənişli fəaliyyətlə məşğul olduqda (elmi, pedaqoji və yaradıcılıq fəaliyyəti istisna olmaqla);
 
5) özü imtina etdikdə.

Göründüyü kimi burada Milli Məclis üzvlərinin kobud fikirlərə görə deputat kreslosu ilə vidalaşacağı barədə bənd yoxdur.
 
Lakin 2016-cı ilin 26 sentyabrında Konstitusiyanın 89-cu maddəsinin I bəndinə əlavə ilə bağlı səsvermyə çıxarılan məsələ seçicilər tərəfindən müsbət qarşılandı.
 
Qeyd edək ki, Referendum Aktında 89-cu maddənin I hissəsinin birinci bəndinə  deputatlarla bağlı aşağıdakı məzmunda 6-cı və 7-ci yarımbəndlər əlavə edilib:
 
6) bu Konstitusiyanın 93-cü maddəsinin III hissəsinin tələbini pozduqda;

7) deputat üçün qanunla müəyyən edilmiş etik davranış qaydalarını kobud surətdə pozduqda. 
 
Etik davranış qaydaları ifadəsi özündə çox məqamları ehtiva edir. Heç şübhəsiz ki, bundan sonra deputatlar işlətdikləri qeyri-etik ifadələrə görə parlament kimi mötəbər bir quruma "əlvida” deməli olacaqlar.
 
Qeyd edək ki, prezident İlham Əliyev ötən ilin oktyabrında Konstitusiyaya əlavə və dəyişikliklərlə bağlı Referendum Aktının qüvvəyə minməsi ilə əlaqədar müvafiq hüquqi aktların layihələrinin hazırlanması barədə sərəncam imzalayıb.

Sərəncamda Nazirlər Kabinetinə tapşırılıb ki, altı ay müddətində Referendum Aktının 1-29-cu hissələri ilə edilmiş dəyişikliklərdən irəli gələn müvafiq hüquqi aktların layihələrini hazırlayıb Azərbaycan Prezidentinə təqdim etsin.
 
"Azərbaycan Respublikası Milli Məclisi deputatının etik davranış qaydaları haqqında” qanun layihəsi lakonik şəkildə hazırlanıb və 13 maddədən ibarətdir. Sənəddə göstərilib ki, hər bir deputat etik davranış qaydalarını rəhbər tutaraq bu qanunun müddəalarına əməl etməyə borcludur.

Qanun layihəsində göstərilir ki, deputat öz fəaliyyətində insanların hüquqlarını, azadlıqlarını, qanuni maraqlarını pozan, onların şərəf və ləyaqətini, işgüzar nüfuzunu alçaldan kobud, təhqiramiz sözlərə yol verməməlidir.

Deputat öz vəzifələrini səmərəli yerinə yetirməyə borcludur və vəzifələrinin icrası ilə bir araya sığmayan sahibkarlıq, kommersiya və başqa ödənişli fəaliyyətlə (elmi, pedaqoji və yaradıcılıq fəaliyyəti istisna olmaqla) məşğul olmamalıdır. Deputat vətəndaşlarla, o cümlədən seçiciləri, həmkarları, dövlət orqanlarının nümayəndələri ilə davranışında, ictimai çıxışlarında və Milli Məclisin iclaslarında nəzakətli, həssas və təmkinli olmalıdır.

Deputat qanunsuz maddi və qeyri-maddi nemətlər, imtiyazlar və ya güzəştlərdən imtina etməlidir. O, öz səlahiyyət müddətində maraqların toqquşmasına yol verməməlidir və qanunsuz olaraq öz vəzifə səlahiyyətlərindən şəxsi maraqları üçün istifadə etməməlidir.
 
Bildirilib ki, etik davranış qaydalarına əməl olunmasına nəzarət Milli Məclisin İntizam komissiyası tərəfindən həyata keçirilir. İntizam komissiyası deputatın etik davranış qaydalarına riayət etməsi uyğunluğuna nəzarət edir, bu qaydalar üzrə rəy və tövsiyələr verir, qaydaların pozulmasının qarşısının alınması üzrə tədbirlər görür. Komissiya, eyni zamanda, deputatın etik davranış qaydalarına riayət etməsi məsələlərinə dair mütəmadi ümumiləşdirmələr aparır, bu məsələlərlə bağlı məruzələri və tövsiyələri Milli Məclisin sədrinə təqdim edir, qaydaların tələblərinin pozulması halları ilə bağlı müraciətlərə baxır. Həmçinin qaydaları pozmuş deputatlar barəsində intizam tədbirlərinin görülməsi haqqında qərar qəbul edir. Deputatlar tərəfindən etik davranış qaydalarının pozulması halları ilə bağlı həyata keçirilmiş tədbirlər barədə ictimaiyyətə məlumat verilir.
 
Bununla yanaşı, Milli Məclisin Daxili Nizamnaməsinə dəyişiklik də təklif edilir.

Nizamnamənin 46-cı (Parlamentdaxili məsuliyyətə cəlb olunan Milli Məclisin deputatına tətbiq edilən intizam tədbirləri) maddəsinə yeni bənd əlavə edilir.
 
Belə ki, mövcud qanunvericiliyə əsasən, hazırda Milli Məclisin deputatına xəbərdarlıq, söz kəsmə, iclas salonundan çıxarma, töhmət, deputat səlahiyyətlərinin itirilməsi kimi intizam tədbirləri tətbiq edilir. Bundan sonra deputatın mandatdan məhrum edilməsi də təklif olunur.

Deputat parlamentin və onun komitə və komissiyalarının iclaslarının aparılmasına mane olduqda parlamentin sədri həmin deputat haqqında məsələni İntizam komissiyasına göndərir. İntizam komissiyası bu məsələyə 2 həftə müddətində baxıb, müvafiq rəy qəbul edir. Parlament növbəti iclasında həmin rəy müzakirə edilir. Parlament deputatın mandatdan məhrum edilməsi barədə qərarı tələb olunan səs çoxluğu ilə qəbul edir.
 
Deputat Milli Məclisin və onun komitə və komissiyalarının iclaslarında çıxış edənlərin sözünü kəsdikdə parlamentin sədri həmin deputat haqqında məsələni Milli Məclisin İntizam komissiyasına göndərir. İntizam komissiyası bu məsələyə iki həftə müddətində baxıb deputata töhmət verə bilər və ya deputatın etik davranış qaydalarını kobud surətdə pozduğu qənaətinə gəldikdə deputatın mandatdan məhrum edilməsi barədə rəyini Milli Məclisin müzakirəsinə çıxara bilər. Milli Məclisin növbəti iclasında həmin rəy müzakirə edilir. Parlament deputatın mandatdan məhrum edilməsi barədə qərarı tələb olunan səs çoxluğu ilə qəbul edir.

Eyni məzmunlu dəyişiklik Seçki Məcəlləsində də edilir. Belə ki, Məcəllənin 175-ci (Milli Məclisin deputatının mandatdan məhrum edilməsi haqqında qərarın qəbul edilməsi) maddəsinə bənd əlavə olunur.
 
Azərbaycan Konstitusiyasının 89-cu maddəsinin I hissəsinin 6-cı (Deputatlar səsvermə hüququnu şəxsən həyata keçirirlər-bu maddənin pozulması) və 7-ci (deputat üçün qanunla müəyyən edilmiş etik davranış qaydalarını kobud surətdə pozduqda) bəndlərində göstərilən əsaslar olduqda, deputatın mandatdan məhrum edilməsi haqqında qərar Milli Məclisi tərəfindən qəbul edilir.
/// Modern.az

Oxunma sayı : 183

Loading...
SON XƏBƏRLƏR
Azərbaycanlı SEPAH-çı qızının gözü önündə güllələndi - 28 İyun 2017, 16:18
Azərbaycanlı avtoriteti döydürən “oğru”lar ələ keçdi - ƏMƏLİYYAT - 28 İyun 2017, 15:48
22 yaşlı Leylanın ölümünə səbəb olan əməliyyat: LİPOSAKSİYANIN TƏHLÜKƏLƏRİ - 28 İyun 2017, 15:48
13 yaşlı oğlana tamah salan 44 yaşlı kişi tutuldu - 28 İyun 2017, 15:47
General Hüseyn Rəsulbəyovun adı əbədiləşdirilir - 28 İyun 2017, 15:08
Elza Seyidcahan özünə eşşək dedi: "Hamı bizə bənzəsin" - 28 İyun 2017, 14:54
Müdafiə Nazirliyindən ordumuzun 8 nəfər itki verməsi barədə fikirlərə - Münasibət - 28 İyun 2017, 14:43
AzTV-də özünü alman turist kimi təqdim edən İbrahimin atası danışdı: Oğluma görə çox narahatam - 28 İyun 2017, 14:35
Hava şəraiti dəyişəcək - XƏBƏRDARLIQ - 28 İyun 2017, 14:25
Bazarda yer üstündə atışma: bir azərbaycanlı yaralandı, digəri tutuldu - 28 İyun 2017, 14:02
Aynişan əməliyyat olundu - FOTOLAR - 28 İyun 2017, 13:45
Müsavatın saxta vəsiqəsi ilə mühacirətə gedən şəxs barəsində axtarış elan olunub - 28 İyun 2017, 13:29
Rusiyada iki azərbaycanlı həbsdən qaçdı - TƏHLÜKƏ XƏBƏRDARLIĞI - 28 İyun 2017, 13:25
2 uşaq dərmandan, 2 nəfər isə spirtli içkidən zəhərləndi - 28 İyun 2017, 13:10
Ailəsi 22 yaşlı Leylanın ölümündə gizlədilən faktları açdı: "Əməliyyatın pulunu geri qaytarıb dedilər ki..." - 28 İyun 2017, 12:51
Bakıda bağ evinə basqın edən şəxslər gözətçini döyüb evi yandırıblar - 28 İyun 2017, 12:31
İntihara cəhd edən gəlinin dayısını maşınla vurdular - Salyanda dram - 28 İyun 2017, 12:28
Sonuncu buraxılış imtahanında 60 minə yaxın şagird iştirak edəcək - 28 İyun 2017, 12:24
Azərbaycanın ən qalmaqallı kosmetoloqu vəzifəli şəxsin həyat yoldaşını ölümdən xilas etdi - FOTOLAR - 28 İyun 2017, 12:03
Könül Xasıyeva uzun fasilədən sonra səhnədə - video - 28 İyun 2017, 11:42
Zakir Həsənov NATO-nin toplantısında iştirak edəcək - 28 İyun 2017, 11:38
Qızıl bahalaşdı - 28 İyun 2017, 11:17
Xalq artisti "Afaq Bəşirqızı qələt edir..." - 28 İyun 2017, 11:10
Bakıda qadın kişini polisin gözü qarşısında yerə sərdi: "Mən "işverən" deyiləm" - VİDEO - 28 İyun 2017, 10:55
İstirahət və bayram günləri yol qəzalarında 10 nəfər ölüb - 28 İyun 2017, 10:45
“İş adamları problemlərin həllində fəal olmalıdırlar” - Mehriban Əliyeva - 28 İyun 2017, 10:21
Telekommunikasiya şirkəti Bakı Metropolitenini məhkəməyə verib - 28 İyun 2017, 10:03
"Otellərdə bir dənə də boş yer yox idi" - Nazir - 28 İyun 2017, 09:59
Ermənilər iriçaplı pulemyotlardan və qumbaraatanlardan da istifadə etməklə atəşkəsi pozub - 28 İyun 2017, 09:35
Türkiyədə 3 hərbçi şəhid olub - 27 İyun 2017, 21:00
Azərbaycanda şirkət rəhbəri və telekanal əməkdaşı öldü: Dəhşətli qəza - 27 İyun 2017, 20:42
Əməkdar artist Həcc ziyarətindən qayıtdı - fotolar - 27 İyun 2017, 20:36
Şəkidə 81 yaşlı kişi ağacdan yıxılıb - 27 İyun 2017, 20:00
Masazırda məcburi köçkünlərə yeni mənzillər verilib - 27 İyun 2017, 18:50
Avropada yeni terror hədələri - 27 İyun 2017, 18:16
Məlahət Abbasova: "Atamın şilləsini yemişəm" - video - 27 İyun 2017, 17:43
“Formula-1” ilə bağlı 18 marşrutda edilən dəyişiklik ləğv olunub - 27 İyun 2017, 17:41
"WhatsApp"da göndərilən faylların həcmi artırılır - 27 İyun 2017, 17:31
Azərbaycanın iki güləşçisi Avropa çempionatında finala yüksəlib - 27 İyun 2017, 17:10
Bakı-Qazax yolunda baş verən dəhşətli qəzanın - FOTOLARI - 27 İyun 2017, 16:50
Qadın həbsxanasında biabırçılıq - FOTO - 27 İyun 2017, 16:28
Qəndab Quliyeva dəfn olundu - fotolar - 27 İyun 2017, 15:53
Azərbaycan-Polşa sənədləri imzalanıb - 27 İyun 2017, 15:27
“Google” 2,4 mlrd. avro məbləğində cərimələnib - 27 İyun 2017, 15:09
“Show tv"də qonaq olan Damla hamını təəcübləndirdi- Video - 27 İyun 2017, 14:46
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: azxeber@mail.ru
Əlaqə nömrəsi
012-493-13-65
077-270-01-10