11:32 çərşənbə, 20 Iyun 2018
İQTİSADİYYAT

“Fab Boyaları” rəngləri festivala dönüşdürdü - I Respublika Rəng Festivalı

12:57, 12.06.20171669
“Fab Boyaları” rəngləri festivala dönüşdürdü - I Respublika Rəng Festivalı
15 iyun Milli Qurtuluş Günü münasibətilə məktəblilər arasında keçirilən "Öz dünyanı boya" adlı I Respublika rəng festivalının möhtəşəm finalı keçirilib. 
 
Axşam.az-ın məlumatına görə, Binəqədi rayon Heydər Əliyev adına parkda baş tutan tədbir Azərbaycan Respublikası Təhsil Nazirliyi, Binəqədi Rayon İcra Hakimiyyəti, Azərbaycan Rəssamlar İttifaqı, "Fab Boya və Kimya Sənayesi MMC"nin birgə təşkilatçılığı ilə gerçəkləşib.
 


Festivalda mindən çox məktəblinin 1500-dən artıq rəsm əsəri nümayiş olunub. Mükafatlar üç yaş qrupu üzrə müəyyən edilib. Nominasiyalar I- IV siniflər, V-VII və IX- XI siniflər üzrə təyin edilib. Qaliblərin seçilmə prosesi iyunun 5-də "Fab Boyaları" şirkətinin akt zalında təşkilatçılar tərəfindən təyin olunmuş münsiflər heyəti tərəfindən həyata keçirilib. Qaliblər qiymətli hədiyyələr və təşkilatçıların birgə imzaladıqları diplomlarla təltif edilib. Onu da qeyd edək ki, münsiflər heyəti Azərbaycan Rəssamlar İttifaqının katibi, xalq rəssamı, professor Ağaəli İbrahimov, xalq rəssamı, professor Arif Hüseynov, əməkdar incəsənət xadimi, sənətşunas Ziyadxan Əliyev kimi peşəkarlardan ibarət olub.
 

Qaliblər mükafatlandırıldıqdan sonra tədbir respublikanın tanınmış incəsənət ustalarının ifasında böyük bayram konserti ilə davam etdirilib.
 
"Fab Boya və Kimya Sənayesi MMC"nin baş direktoru Kənan Məhərrəmov müsahibəsində bildirib ki, məqsədləri istedadlı uşaqların üzə çıxarılmasıdır: "Bu gün ölkə başçısının sahibkarlara göstərdiyi diqqət və qayğının nəticəsidir ki, "Fab boyaları" şirkəti də sosial məsuliyyətini dərk edərək I Respublika rəng festivalının təşəbbüskarı və təşkilatçısıdır. "Fab boyaları" şirkəti bundan sonra da təhsilin inkişafı və istedadlı uşaqların üzə çıxarılmasına yönəlik belə layihələri ənənəvi şəkildə davam etdirəcək".
 


Tədbirdə Binəqədi Rayon İcra Hakimiyyətinin başçısı Xaləddin İsgəndərov, millət vəkili Kəmaləddin Qafarov, Azərbaycan Rəssamlar İttifaqın katibi, xalq rəssamı Ağaəli İbrahimov, "FAB Boya və Kimya Sənayesi MMC"nin təsisçisi Anar Əliyev, Binəqədi RİH başçısının müavinləri, şöbə müdirləri, rayonun hüquq-mühafizə və icra strukturları, təhsil, məktəbəqədər təhsil, mədəniyyət və səhiyyə müəssisələrinin rəhbərləri, ictimai təşkilatlar, gənclər və rayon ictimaiyyətinin nümayəndələri iştirak ediblər.
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 



XƏBƏR LENTİ