15:07 çərşənbə, 19 Dekabr 2018
HADİSƏ

FHN-ə zəng edib, ingilis dilində terror törədəcəklərini dedilər... - 2 nəfər saxlanıldı

12:49, 13.01.20182703
FHN-ə zəng edib, ingilis dilində terror törədəcəklərini dedilər... - 2 nəfər saxlanıldı
Yanvarın 12-də saat 12.38-də FHN-nin "112” Xidmətinə zəng edən naməlum şəxs ingilis dilində onlarda bomba olduğunu və terror hadisəsi olacağını bildirib.

Daxili İşlər Nazirliyinin (DİN) mətbuat xidmətindən "BakuPost"a verilən məlumata görə, FHN-ə daxil olan məlumat DİN-in "102” Xidmətinə ötürülüb.

Dərhal əlaqədar orqanların əməkdaşları ilə birlikdə təxirəsalınmaz tədbirlər həyata keçirilib və məlumatın yalan olduğu müəyyən edilib.

Bakı Şəhər Baş Polis İdarəsi, Xətai və Abşeron Rayon Polis idarələri əməkdaşlarının peşəkarlıqla həyata keçirdikləri əməliyyat-axtarış tədbirləri nəticəsində terrorçuluq barədə bilə-bilə yalan məlumat verən paytaxt sakinləri olan 2 nəfər "isti izlər”lə müəyyən edilərək saxlanılıblar.

Araşdırma aparılır.

DİN vətəndaşların nəzərinə çatdırır ki, insanlar arasında təşvişə və ajiotaja səbəb olan belə əməllər cinayət məsuliyyəti yaradır və hüquq-mühafizə orqanlarına bilərəkdən yalan məlumatlar verən şəxslər barəsində qanunvericilikdə nəzərdə tutulmuş qaydada ciddi tədbirlər görüləcək.
XƏBƏR LENTİ