"Xaricdə təhsil alanları Azərbaycandakı tələbələrdən fərqləndirmək və onları daha yuxarı pilləyə qoymaq doğru deyil. Azərbaycan təhsilini və tələbəsini bu qədər aşağılamaq olmaz. Bakı Dövlət Universiteti, ADA Universiteti, Bakı Ali Neft Məktəbi yaxşı kadrlar yetişdirir. Məgər onlar xaricdə oxuyanlardan əskikdirlər?”

Bunu Milli Məclis sədrinin birinci müavini Ziyafət Əsgərov parlamentin iclasında deyib.

O qeyd edib ki, xaricdəki universitetlərdə qeyri-adi təhsil vermirlər.

"Öz fəaliyyətimdən misal çəkə bilərəm, tələbələrimdən 22-si magistr təhsilini müxtəlif xarici ölkələrdə alıblar və onların 80 faizi universiteti fərqlənmə diplomu ilə bitiriblər. Bu, onların Azərbaycanda aldıqları bakalavr təhsilinin nəticəsidir. Gəlin Azərbaycandakı universitetlərə, görün necə təhsil verirlər”.

//modern.az