11:34 Bazar Günü, 19 May 2019
SOSİAL

İçərişəhərdəki ajiotajla bağlı yeni VİDEOFAKTLAR: Sökülüb, yoxsa bərpa edilib?

14:49, 25.04.20197718
İçərişəhərdəki ajiotajla bağlı yeni VİDEOFAKTLAR: Sökülüb, yoxsa bərpa edilib?

Son bir neçə gündür ki, sosial şəbəkələrin əsas gündəm mövzusu İçəri Şəhərdəki qala divarlarının sökülərək yerində restoranların tikilməsidir. Sözgedən iddia geniş ajiotaja səbəb olub. 

AZXEBER.COM xəbər verir ki, bu barədə "İçərişəhər” DTMQİ icitmaiyyətə yeni faktlar təqdim edib. Məlumatda deyilir:"İlk olaraq qeyd edilməlidir ki, İçərişəhərdə hal-hazırda fotoda görünən vəziyyətdən əsər-əlamət yoxdur. Bunu açıq-aydın müşahidə etmək mümkündür. Həmin fotoşəkillər 2011-ci ildə Qala divarlarının restavrasiya işlərinin aparıldığı ərəfədə çəkilmişdir. Məsələnin kökündə isə əslində Sovet erası zamanı 1954-cü ildə Qala divarları üzərində aparılan kobud rekonstruksiya işləri durur və əfsuslar olsun ki, bu proses zamanı Qala divarlarının o zamana qədər mövcud olmuş tarixi bürclərindən biri zədələnərək öz görkəmini itirmiş və düz divarın çəkilməsi ilə nəticələnmişdir.

"İçərişəhər” DTMQİ fotoşəkil ilə bağlı yaradılan mənzərənin və əsassız ittihamların əksinə olaraq 2011-2012-ci illərdə Qala divarlarının bərpasını həyata keçirmiş və bu əsnada həmin dağıdılmış bürcü bərpa etmək üçün genişmiqyaslı bərpa işləri görmüşdür. Bu zaman bütün arxiv sənədləri nəzərdən keçirilmiş, bürcü mümkün qədər tarixi görkəminə qaytarmaq üçün tarixçilər, memarlar, mühəndislər tərəfindən layihə işlənib hazırlanmışdır. Məhz bu işlərin nəticəsində bu gün Kiçik Qala küçəsində həmin bürcün bərpa olunmuş vəziyyətini görə bilərsiniz".

XƏBƏR LENTİ