11:48 çərşənbə, 26 Iyun 2019
MÜSAHİBƏ

"Kosmetik botoksla bu günə qədər ölüm hadisəsi yaşanmayıb" - Dr. Azər Şamilov açıqladı

13:34, 05.04.20196225
Bəşəriyyət yaranandan gündən insanlar qocalmamağın sirrini axtarır. Son illər isə tibbin inkişafı ilə cavan görünmək üçün müxtəlif kosmetoloji prosedurlar kəşf olunub. 

Bunlardan biri də botoksdur. Əsasən də, qadınların müraciət etdiyi botoks müalicəsi nədir? Onun hansı xeyirləri var? Botoks kimlərə olmaz...
Bu və digər suallarla bağlı Dermatoloq Dr. Azər Şamilov AZXEBER.COM-a müsahibə verib. 

- Cəmiyyətdə belə bir düşüncə var ki, botoks ziyanlıdır və pasientlərə məsləhət görülmür. Bu nə dərəcədə düzgündür?

- İlk olaraq onu qeyd edim ki, botulotoksin – ‘Clostridium botulinum’ adlı bakteriya tərəfindən sintez olunan A tipli neyrotoksindir. Botoks sinir impulslarının əzələlərə ötürülməsinin müvəqqəti qarşısını alaraq əzələləri hərəkətsizləşdirir. Bu zaman nə əzələlər, nə də sinirlər zədələnmir. 4-6 aydan sonra sinir-əzələ keçiriciliyi bərpa olunur. Suala gəlincə isə deyə bilərəm ki, bu düzgün yanaşma deyil. Fakt odur ki, aspirin dərmanı haqda da fikirlər birmənalı deyil, onun üçün də çox zərərli olduğu deyilir. Aspirin yüz illərdi ki, mövcuddur. Mən hesab etmirəm ki, bu dərman pis və ya zərərlidir. Ancaq bunun insan həyatı üçün təhlükə olan daxili qanaxma, mədə xəstəlikləri, astma xəstəliklərinin ağırlaşması ilə bir başa əlaqəsi vardır. Bu səbəblə aspirin dərmanından ölüm hadisələri çox olub. Aspirindən daha çox insan zərər görüb nəinki botoksdan.

- Bəs kosmetik botoksda bu hallar yoxdur?

- Kosmetik botoksla bu günə qədər ölüm hadisəsi yaşanmayıb. Eyni zamanda da heç bir xəstəliyin müalicəsinə mənfi təsir etməyib. Bəzi vaxtlarda arzuolunmaz nəticələr olsa da yan təsirləri 100% müvəqqəti xarakterlidir. Həm də aspirin dərmanı ilə botoksun fərqi odur ki, aspirini reseptsiz almaq mümkündür. Bu da xəstəlik daşıyıcısı olan insanlara mənfi təsi edə bilir. Botoksda isə bu risk yoxdur. 

- Belə anlaşıldı ki, botoksun ziyanları daha azdır...

- Əgər botoks zərərli hesab olunsaydı, ona müvafiq orqanlar tərəfindən önəmsiz şeylər üçün məsələn qırışların açılması görə istifadəyə icazə verməzdi. Ona görə də əmin olun ki , botoks, disport, kseomin inanılmaz güclü toksinlər sayılsa da düzgün dozada istifadə edilsə inanılmaz gözəl və zərərsiz effekt verər. 
 
- Bəs kimlərə botoks olmaz?

- Botoksdan hamiləlik, südvermə dövrü, dəri xəstəliyi, sellülit, çapıqlar, qan laxtalanmasında pozğunluq, qan sulandırıcı maddələrin istifadəsi , tətbiq edilən nahiyədə əzələ zəifliyi, sinir əzələ keçəcəyində xəstəlik varsa, o zaman botoks müalicə etmək olmaz. Botoksdan  öncə mütləq analizlər verilməlidir.

- Bəs yaşlı qadınlara necə?

- Yaşlı qadınların da botoksu seçməsi doğru deyil. 70 yaş ərəfəsində əzələ və sinir funksiyaları pozulduğuna görə, bu cür xəstələrdə botoks əməlliyyatı edilmir. Bu yaş qrupunda mimik qırışlardan əlavə dəridə kollagen və elastin azalması ilə bağlı sallanmalar da olduğundan fərqli müalicə variantları seçilir.
 

 


XƏBƏR LENTİ