21:53 çərşənbə, 22 May 2019
KRİMİNAL

Məhkəmə Azərbaycan qadınlarını Türkiyədə satan 26 yaşlı Güneli azadlığa buraxdı

14:52, 18.02.20193740
Məhkəmə Azərbaycan qadınlarını Türkiyədə satan 26 yaşlı Güneli azadlığa buraxdı
Bu gün Bakı Ağır Cinayətlər Məhkəməsində insan alverində təqsirləndirilən Günel Hüseynovanın cinayət işi üzrə məhkəmə iclası başa çatıb.
 
AZXEBER.COM report-a istinadən xəbər verir ki, hakim Rahib Salmanovun sədrliyi ilə keçirilən prosesdə hökm oxunub.

Məhkəmənin hökmü ilə G.Hüseynova barəsində şərti cəza təyin edilib. O, məhkəmə zalından azadlığa buraxılıb.

Qeyd edək ki, Daxili İşlər Nazirliyinin İnsan Alverinə qarşı Mübarizə Baş İdarəsinin və Gəncə şəhər Baş Polis İdarəsinin əməkdaşlarının birgə keçirdikləri tədbirlər nəticəsində axtarışda olan Gəncə şəhər sakini, 1992-ci il təvəllüdlü G.Hüseynova ötən il həbs edilib.

Onun insan alveri ilə məşğul olması barədə idarəyə bir neçə zərərçəkmiş şəxs şikayət edib.

G.Hüseynovanın bir neçə qadını Türkiyəyə aparması və orada cinsi istismara məruz qoyması məlum olub.
XƏBƏR LENTİ