04:56 çərşənbə, 19 Dekabr 2018
İQTİSADİYYAT

“Mətanət A” şirkətindən autist uşaqların reablitasiya mərkəzinə yardım

11:09, 08.08.20183518
“Mətanət A” şirkətindən autist uşaqların reablitasiya mərkəzinə yardım
Deyirlər Tanrının bizə iki əl verməsinin səbəbi var: biri özümüzə, o biri digərlərinə yardım etmək üçündür.
 
Azərbaycanda son illərin ən güvənilən şirkətlərindən biri, inşaat materialları bazarında 15 ildən artıq bir müddətdə liderliyini qoruyub saxlaya bilən "Mətanət A” şirkəti də fəaliyyətində hər zaman bu prinsipi əsas tutur. Şirkətin səxavətindən bu dəfə Autist Uşaqların Reablitasiyası Mərkəzinə pay düşdü. "Mətanət A” şirkəti mərkəzin yeni korpusunun tikintisi üçün tikinti materialları yardımı edib. Şirkətin istehsalı olan "Mətanət A” kafel-metlax yapışdırıcısı, "Ağdağ” astar şpatlyovkası və "Ağdağ” üzlük şpatlyovkası Autist Uşaqların Reablitasiyası Mərkəzinə təhvil verilib. Bu məhsullardan mərkəsin yeni binasının tikintisində istifadə olunacaq.

Qeyd edək ki, hazırda Autist Uşaqların Reablitasiyası Mərkəzində 54 uşaq müalicə alır. Onların təlim və müalicəsi ilə 50 –dən artıq psixoloq – pedaqoq məşğuldur. Mərkəz valideynlərin üzvlük haqqları və xeyirxah insanların yardımları, ianələri hesabına mövcudluğunu qoruyub saxlayır. Xüsusi qayğıya ehtiyacı olan insanlar kateqoriyasına aid edilən autist uşaqların cəmiyyətə qazandırılması kifayət qədər uzunmüddətli və çətin proses hesab olunur. Onlarla daim zehni və fiziki məşqlərin aparılması zəruri tələbləridən biridir. Mərkəzin hazırda fəaliyyət göstərdiyi bina isə bu tələblərin yerinə yetirilməsi üçün kifayət qədər darısqal idi. Ona görə də mərkəz rəhbərliyi əlavə korpus inşa etmək qərarına gəlib. Futbol klublarından birinin mərkəzə hədiyyə etdiyi ərazidə yeni korpusun tikintisinə artıq start verilib. "Mətanət A” şıirkəti də autist uşaqların müalicəsinə öz tövhəsini vermək və yeni mərkəzin tikintisində payının olmasını istədi. Ümid edirik ki, bu istəyimizə nail ola bildik. Şirkət bundan sonra da humanitar yönümlü bu qəbildən layihələrini davam etdirməklə xüsusi qayğıya ehtiyacı olan insanların cəmiyyətimizə qazandırılmasına tövhəsini vermək niyyətindədir.
 

 

 

 

 


XƏBƏR LENTİ