19:57 Bazar Günü, 17 Dekabr 2017
SOSİAL

Millət vəkilinin ailəsindəki faciənin TƏFƏRRÜATI

11:17, 10.10.201710109
Millət vəkilinin ailəsindəki faciənin TƏFƏRRÜATI
Millət vəkili, professor Musa Qasımlının bacısı qızı Xalidə Rzayevanın öldüyü qəzanın bəzi təfərrüatları məlum olub.

AZXEBER.COM xəbər verir ki, BakuPost.az-a daxil olan məlumata görə, Sumqayıt şəhəri ərazisində Qubadlı rayon sakini Orxan Həziyev idarə etdiyi "Mercedes” markalı avtomobillə törətdiyi qəza zamanı 4 piyada vurulub. Vurulan 2 qadın hadisə yerindəcə keçinib, 2 kişi isə ağır bədən xəsarətləri alıb.

Hadisə şahidlərinin sözlərinə görə, vəfat edən Xalidə Rzayeva və Sahibə Səfərli qəza zamanı maşının altında qalıb. Avtomobil onları 70-80 metr sürüyüb.

Hadisə yerinə təcili tibbi yardım çağırılıb. Qadınları xilas etmək mümkün olmasa da, vurulan digər 2 piyada xəstəxanaya çatdırılıb. Onların vəziyyətinin ağır olduğu bildirilir.

Millət vəkilinin bacısı qızı X.Rzayevanın 52 yaşı varmış. O işdən evə dönərkən belə bədbəxt hadisəylə üzləşib.

Qeyd edək ki, hadisə oktyabrın 8-də saat 20 radələrində qeydə alınıb.

Sumqayıt ŞPİ tərəfindən faktla bağlı araşdırma aparılır.

 
0
XƏBƏR LENTİ