Portuqaliya prezidenti Marselo Rebelo de Souza koronavirusa yoluxub.
"RİA Novosti”nin məlumatına görə, bu barədə dövlət başçısının saytında məlumat verilib.
Bildirilir ki, yaxın günlərdə Souzanın iştirakı ilə olacaq bütün tədbirlər təxirə salınıb.
Yanvarın 6-da dövlət başçısının koronavirus diaqnozu qoyulmuş şəxslə təmasda olduğu bildirilmişdi. Bundan sonra o özünü təcridə getmişdi, lakin PZR testinin cavabı mənfi olduğundan yenidən karantini ləğv etmişdi.
Portuqaliyada koronavirusla bağlı vəziyyət mürəkkəb olaraq qalır. Ölkədə 489 mindən çox insanda yoluxma qeydə alınıb, onlardan təqribən 8000 nəfəri vəfat edib.
