05:24 Bazar Günü, 22 Iyul 2018
GƏNCLİK

"Prezidentin Sərəncamı ölkəmizdə təhsil siyasətinin inkişafına tövhə verəcək" - Fəxrəddin Həsənzadə

12:39, 08.12.20171267

İslam Əməkdaşlıq Təşkilatına üzv dövlətlərin vətəndaşlarına Azərbaycan Respublikasının ali təhsil müəssisələrində təhsil üçün qrantların verilməsi haqqında Azərbaycan Respublikası Prezidentinin Sərəncamı birmənalı olaraq beynəlxalq əməkdaşlığı genişləndirməklə təhsil siyasətimizin inkişafına dəstək olacaqdır.

AZXEBER.COM xəbər verir ki, son dövrlərdə ölkəmizdə qeyri-neft sektorunun inkişafı və yeni sənaye parklarının yaradılması bu sahədə kadrların səriştəsinin artırılmasını və yeni innovasiyalardan səmərəli faydalanacaq yerli və beynəlxalq mütəxəssislərə ehtiyacı zəruri edir. Bu da özlüyündə təhsilin keyfiyyətinin və əhatəliliyinin artırılmasını vacib şərt kimi göstərir. Məhz verilən Sərəncam bu kimi çatışmazlıqları aradan qaldırmaq, daxili və beynəlxalq səviyyədə insan kapitalının formalaşdırılmasına hesablanır.

Xüsusilə təhsil qrantından İslam Əməkdaşlıq Təşkilatına üzv dövlətlərin gənclərinin faydalanması ölkəmizin bir daha İslam sivilizasiyasının mərkəzi və "İslam Həmrəyliyi Paytaxtı” olduğuna bariz nümunədir. 5 il müddətində 100-dən çox tələbənin faydalanacağı proqramdan ölkəmiz həmçinin Azərbaycan dəyərlərinin və həqiqətlərinin təbliğatçısı olan 100-dən çox xalq diplomatiyasının təmsilçisini qazanacaq. Bu işdə gənclər təşkilatları ölkəyə gələn beynəlxalq gənclərin sosial həyatının aktivliyinin təmin olunmasını öz üzərlərinə götürərək, onlara Azərbaycançılıq ideologiyasının təbliğinə hesablanmış layihələrə cəlb etməsi əsas şərtlərdəndir. Bu Sərəncamı rəhbər tutaraq, Gənclər üçün Təhsil Mərkəzi 2018-ci ildən əcnəbi gənclər üçün "Azərbaycan dili məktəbi” layihəsinə start verəcək.

Şübhəsiz ki ,bü gün ölkəmizdə əmək bazarında rəqabətədavamlı, müasir bilik və potensiala malik mütəxəssislər yetişdirəcək Bakı Ali Neft Məktəbi, Milli Aviasiya Akademiyası , Azərbaycan Diplomatiya Akademiyası, Bakı Mühəndislik Universiteti, Azərbaycan Turizm və Menecment Universiteti kimi ali təhsil ocaqları var. Bu baxımdan təhsil sisteminin ilbəil yenilənən standartlara cavab verməsi və iqtisadi dayanıqlılığının artırılması bu gün qarşımızda duran başlıca şərtdir. Həmçinin, ötən illərdə "Azərbaycan gənclərinin xarici ölkələrdə təhsili üzrə Dövlət Proqramı” çərçivəsində kifayət qədər gənc müxtəlif ixtisaslar üzrə dünyanın aparıcı universitetlərində dövlətimizin dəstəyi ilə təhsil alıb. Ali təhsil müəssisələrinə onların cəlb olunaraq bilik və təcrübəsindən səmərəli faydalanmaq imkanımız genişdir və bu gənclərimiz bu mərhələdə təhsil elitasının xadiminə çevrilə bilərlər. Beləliklə, müasir inovasiyalara cavab verən universitetlərin sayının artması, həmçinin təhsil qrantlarının olması, ölkəmizə gələcək əcnəbi tələbələrin saynın artmasına təkan verəcəkdir.

XƏBƏR LENTİ