15:35 Bazar Ertəsi, 18 Iyun 2018
SOSİAL

Qənirə Paşayeva televiziyalara çağırış etdi – FOTO

15:45, 21.10.20171211
Qənirə Paşayeva televiziyalara çağırış etdi – FOTO
Sumqayıtda Aprel zəfəri qəhrəmanlarından, şəhid mayor Elnur Əliyev haqqında filmin təqdimatında çıxış edən millət vəkili Q.Paşayeva filmin hazırlanmasında əməyi keçənlərə təşəkkürünü bildirib və bu cür filmlərin vacibliyini xüsusi vurğulayıb: "Elnur Əliyev kimi qəhrəmanlarımız  həmişə qəlbimizdə yaşayacaq. Xalqımız, vətənpərvər ruhda böyüyən gənc nəsil Elnur Əliyevin xidmətlərini heç zaman unutmayacaq”.

 

AZXEBER.COM xəbər verir ki,, o  eyni zamanda  cəbhə bölgəsinə gedən zaman onunla şəxsən tanış olduğunu, Tovuzda ön cəbhədə xidməti dövründə  tez-tez görüşdüyünü və onun böyük vətən məhəbbbəti ilə yaşadığını deyib. Q. Paşayeva vurğulamışdır ki, Elnur Əliyevin ömür yolu bugünkü gənclərə əsl örnəkdir. Nə qədər ki, Azərbaycan xalqı var, belə oğulların əziz xatirəsi heç vaxt unudulmayacaqdır.

Millət vəkili Q.Paşayeva televiziyalara çağırış edərək qəhrəman şəhidlərimiz haqqında hazırlanan bu cür filmlərin televiziyalarda tez-tez nümayişinə çağırıb. Torpaqlarımızın 20 faizi hələ də düşmən işğalı altındadır və gənclərimizin vətənpərvərlik ruhunda yetişməsi üçün özünü vətən üçün, əsgərlərimizi qorumaq üçün qumbara üstünə ataraq şəhid olan Elnur Əliyev kimi qəhrəmanların həyat yolundan gənclərimiz örnək almalıdır.  Şəhidimizlə bərabər onun ailəsi qarşısında da baş əyirk deyən millət vəkili Q.Paşayeva dövlətimiz və xalqımız hər zaman yanınızdadır deyib.

Millət vəkili tədbirdən sonra qəhrəman şəhidimizin ailəsi ilə görüşüb, geniş söhbət edib.

Q. Paşayeva həmçinin tədbirdən sonra Aprel zəfəri şəhidlərimizin bəzilərinin ailə üzvləri ilə görüşüb, fikir və qayğıları ilə maraqıanıb  və hər zaman yanınızdayıq deyib. Qeyd edək ki, film Azərbaycan Respublikasının Prezidenti yanında QHT-lərə Dövlət Dəstəyi Şurası və Mədəni İnkişaf Mərkəzinin (MİM) dəstəyilə çəkilib.

XƏBƏR LENTİ