09:00 Bazar Ertəsi, 28 May 2018
TOP4

Qurban Qurbanovdan sərt qərar: Mahir Mədətov komandadan uzaqlaşdırıldı

11:17, 16.04.20185382
Qurban Qurbanovdan sərt qərar: Mahir Mədətov komandadan uzaqlaşdırıldı
Elvin Yunuszadəni bağışlayan Qurban Qurbanov "Qarabağ”ın daha bir futbolçusunu cəzalandırıb.

Mahir Mədətov intizamsızlıq etdiyinə görə əsas heyətdən kənarlaşdırılıb. Mahir sonuncu dəfə "Keşlə” ilə oyunda əsas komandanın heyətində meydana çıxıb. "Səbail”lə oyunda isə Ağabala Ramazanov və Coşqun Diniyevlə birlikdə əvəzedicilərin 2:1 hesablı qələbəsində iştirak edib.

Mahirin əvəzedici komandaya göndərilməsi Ramil Şeydayevin yolunu açıb və "Kəpəz”lə oyundakı qələbə qolunun müəllifi bu şansdan lazımınca yararlanıb. Məlumata görə, Mahirin əvəzedici heyətə göndərilməsi bu komandanın baş məşqçisi Aftandil Hacıyev üçün də gözlənilməz olub.
 
Mahirin özü isə səhvini başa düşdüyünə görə taleyi ilə barışmalı olub. Mədətovun cəzalanmasının məşqə gecikməsiylə bağlı olduğunu bildirir. Son vaxtlar bu hal bir-neçə dəfə təkrarlandığından Qurban Qurbanov sərt addımlar atmağa məcbur olub.

Mahir Mədətovun nə vaxt əsas komandaya qayıdacağı məlum deyil.
 
///sport7.az
XƏBƏR LENTİ