21:43 Bazar Günü, 17 Dekabr 2017
SOSİAL

Tanınmış cərrah ağır xəstə uşağı pulsuz əməliyyat etdi

11:16, 13.06.20171108
Tanınmış cərrah ağır xəstə uşağı pulsuz əməliyyat etdi
"Medi lux” klinikasında fəaliyyət göstərən peşəkar plastik - rekonstruktiv cərrah, tibb üzrə fəlsəfə doktoru Dilqəm Məhərrəmov Ramazan ayında 1 yaş 8 aylıq körpəni pulsuz əməliyyat edib.
 
AZXƏBƏR.COM – a bu barədə körpənin anası Qocayeva Arzu xanım məlumat verib. O həkimə təşəkkür edib: "Allah Dilqəm doktordan razı olsun. Bu gözəl ayda bizi sevindirdi, Allah da onu sevindirsin. Əslində oğlum Nizami 6 aylığından sonra əməliyyat olunmalı idi, ancaq imkanımız yox idi. Uşağın boğazında dilçək yox idi. Normal yemək yeyə bilmirdi, danışmasında da problem yaranacaqdı. Boğazında yumşaq damaq yarığı var idi. Ödəniş etmişdik amma Dilqəm doktor özümüzə qaytardı.
 
Çünki bildi ki, bundan başqa 2 xəstə uşağım da var, yoldaşımın da ağ ciyəri çıxardılıb. İmkanımız yoxdu”. Dilqəm Məhərrəmovla əlaqə saxladıq.
 
Məlumatı təsdiqlədi. D. Məhərrəmov əməliyyatın uğurlu keçdiyini, problemin aradan qaldırıldığını dedi.
0
XƏBƏR LENTİ