Zahir Əzəmət: "Hamı deyir “pul yoxdur, reklam yoxdur”, amma pul olsa nə dəyişəcək ki?" - MÜSAHİBƏ

25 Aprel 2017, 14:11
AAA

Bu gün tanınmış jurnalist Zahir Əzəmətin 42, rəhbəri olduğu "Qaynarinfo"nun isə 10 yaşı tamam olur. Zahir bəylə söhbətimiz də onun ad gününə təsadüf etdi. 


- Zahir bəy, sizi təkcə 10 yaşlı saytın baş redaktoru kimi yox, ən əsas Azərbaycanda internet medianın flaqmanı kimi tanıyırıq. Bu gün həm sizin, həm də "Qaynainfo”nun ad günüdür. İlk sualım belədir: "Qaynarinfo" bu 10 ildə cəmiyyətə nə verib?

- Xoş sözlərə görə təşəkkür edirəm. Amma hesab edirəm ki, məndən əvvəl də, məndən sonra da internet mediasının inkişafına böyük ölçüdə təsir edən şəxslər və layihələr az olmayıb. O da doğrudur ki, biz yarananda yalnız agentliklər, bir neçə qəzetin internet versiyası və 3-4 xəbər saytı vardı. Onların iş rejimi də indiki kimi deyildi. Ara günlərdə saat 18:00-dan sonra xəbər qoymur, şənbə-bazar günləri işləmir, nadir hallarda video və ya fotosessiyalar edirdilər. Saytların dizaynı, texniki imkanları çox bəsit idi. Biz bu streotipləri dəyişdik. Demək olar ki, fasiləsiz, gecə-gündüz demədən çalışdıq və qısa zamanda populyarlıq qazandıq. Həm də o vaxtlar idi ki, qəzetlər dominat idi, bir xəbər saytının geniş oxucu toplaya biləcəyinə inanlar az idi. Biz bütün mənada alternativ mediaya çevrildik. "Qaynarinfo” yeni başlayan jurnalistlərin, könüllülərin və təcrübəli həmkarlarımızın ortaq platformasına çevrildi. Medianın iqtidar-müxalifət mediasına bölündüyü bir vaxtda, bizdə bütün tərəflər eyni dərəcədə tənqid və təmsil olunmağa başladı. Bütün bunlar o vaxt üçün yenilik idi əlbəttə. Biz bunu qazandırdıq, biz mediaya çoxsaylı müəlliflər, gənclər qazandırdıq. Bizdən sonra yaranan heç bir xəbər saytına rəqib kimi yox, yol yoldaşı kimi yanaşdıq, imkanımız daxilində dəstək olduq. Bu gün az qala hər bir saytda bu və ya digər dərəcədə bizə bağlı olan şəxslər, kadrlar var. Hamı ilə sağlam, dostluq münasibətlərimiz var. Bunlar az şey deyil. Məsələn, 10 il öncə bir müxalifət qəzetinin jurnalisti ilə, məsələn, "Yeni Azərbaycan” qəzetinin müxbirini bir restoranda, bir çayxanada, bir masada görmək sensasiya sayılardı. Amma internet mediası bu qarşıdurma ənənəsini aşa bildi.

- Hər zaman yeniliklər axtaran, kreativ ideyalar irəli sürən baş redaktor olmusuz. Bir media kapitanı olaraq Azərbaycan mediasının bugünkü durumu sizi qane edirmi?

- Qane etmir. İstər "Qaynarinfo” olsun, istər "Azxəbər” olsun, istər digər dost saytlar- hamımız aşağı-yuxarı eyni problemləri yaşayırıq. Əksər saytların tərzi eynidir. Başlıq tipindən tutmuş, yazı üslubuna və məzmuna qədər. Bir çox hallarda hətta texniki məsələlər və tərtibat da oxşardır. Bütün bunlardan danışanda isə səbəb kimi eyni şeyi göstəririk: "Pul yoxdur, reklam yoxdur”. Amma pul olsa nə dəyişəcək ki? Öncə yanaşmamızı dəyişməliyik. Maddi sıxıntı və asılılıqdan qurtulmağın daha sivil yollarını axtarmalıyıq. Bəlkə də saytlarımızın idarəetməsinə menecerlər. marketoloqlar cəlb etməliyik. Gücümüzü bizi təsir altında saxlamağa çalışan kənar mənbələrin axtarışından daha çox, daxili potensialımızn kəşfinə yönəltməliyik. Əgər bir sayta gündə 50-100 min arası oxucu girirsə, deməli o, yalnız bir xəbər saytı deyil, həm də ölkənin, hətta bütün Qafqazın ən böyük bazar yeri, virtual ticarət mərkəzi, insanların könüllü toplaşdığı bir qovşaqdır. Bəs bu böyük axından necə yararlanmalı? Bu nəhəng trafiki necə pula çevirməli? Bizim əsas səhvimiz həm də odur ki, "hər şeyi hamıdan yaxşı bilirəm” qənaətindəyik. Halbuki bu işi daha yaxşı bacara biləcək menecerlər var, onları cəlb etməli və çıxış yolu axtarmalıyıq. Jurnalistin işi yazı yazmaqdır, amma bir saytın əməkdaşlarının daha böyük qismini dizaynerlər, proqramçılar, marketololqar təşkil etməlidir. Biznes struktura çevrilməliyik. Yoxsa yaxın 2-3 il içində yaranan yeni situasiya bir çox saytın başını yeyəcək. Yenilənmək və fərq yaratmağın zamanıdır artıq. Yeni tendensiyalarla ayaqlaşmaq lazımdır.

- Zahir bəy, ilk zamanlar "Qaynarinfo”da müxalifətə geniş yer ayırırdız. Ancaq son illər görürük ki, saytınız siyasətə çox da qarışmır. Bu nə ilə bağlıdır?

- Bayaq dediyim kimi, təkcə müxalifətə yox, həm də qarşı tərəfə, üçüncü- müstəqil və fərqli düşünən insanlara da geniş yer verən bir platforma idik. O zamanlar ictimai-siyasi həyat da qaynar idi. Məsələn, müəyyən mitinqlərə bəzən yüzminlərlə insan toplaşırdı, yəni yazdıqlarımızı oxumaq istəyən böyük bir auditoriya var idi. Amma bu gün mitinqlərə yüzlərlə adam gedir, onun da yarısı jurnalistlər və hüququ-mühafizə orqanlarının əməkdaşları olur. Oxucu bu gün siyasi yazıları oxumur. Amma biz yenə də öz istiqamətimizi qoruyub saxlamışıq. Bu gün də "Qaynarinfo” bütün tərəflərin normalar çərçivəsində öz fikrini rahat ifadə edə biləcəyi bir məkan olaraq qalır. Məsələn, "Qaynarinfo”nun köşə yazarı, illərin siyasi təhlilçisi, çox dəyərli yazar Hüseynbala Səlimov həftəlik köşələrində mütəmadi hakimiyyəti tənqid və təhlil edir. İqtidar partiyasının təmsilçilərinin açıqlama və müsahibələrinə də geniş yer verilir. Bütün tərəflərə eyni məsafədə qalmağa çalışırıq. Amma hamı üçün eyni dərəcədə açıq platforma olmaq ayrı şeydir, onlardan hanısınsa təbliğat ruporu olmaq ayrı şey. Biz heç bir tərəfə yox, oxucuya faydalı olmağa çalışırıq və bu, hər zaman da belə qalacaq.

- Saytın bu günə qədər bir neçə baş redaktoru olub, onların hər biri də siyasi mövqeyi olan şəxslərdir. Sizcə siyasətlə məşğul olan adamın baş redaktor olması nə dərəcədə düzgündür?

- Məsələn, Fərid Şahbazlı hökümətyönlü, Şəmşad Ağa isə müxalifyönlü olub. Mən də liberal dəyərlərin tərəfdarı olan bir adamam. Hər bir vətəndaşın, habelə jurnalistin hansısa siyasi baxışları ola bilər. Önəmli olan bunu işinə yansıtmamasıdır. Bir sayta gün ərzində onminlərlə insan girirsə, o saytı necə bir şəxsin tribunasına çevirmək olar? Şükür ki, bəzi qüsurlarımıza baxmayaraq, ümumilikdə öz yolumuzdan sapmamışıq. Ən çətini də budur.

- Bu gün görürük ki, bir zamanlar "siyasi məhbus”, "hüquq müdafiəçisi, partiya sədri olan şəxslər xəbər saytı açırlar. Sizcə bu nə ilə bağlıdır?

- Olsun. Biz onun ortaya qoyduğu məhsulu, saytı dəyərləndirək. Bir də elə məsələlər var ki, zamanın öhdəsinə buraxmaq lazımdır. Məsələn, ümumi danışmaq əvəzinə. Bir az konkretləşdirək. Götürək Eynulla Fətullayevi. Adam həm rus, həm azərbaycan dilində istedadlı mətnlər ortaya qoya bilir. Adam bir çox maraqlı media layihələri yarada bilib. Mənim fikrimcə, onun başlıca qüsuru istedadına rəğmən ədalətli ola bilməməsidir. Pərviz Həşimlini nəzərdə tutursunuzsa, o da köhnə həmkarlarımızdan biridir, qələmi və xəbər duyumu yaxşıdır. Yeni layihə başlayıb. Haqsız həbsindən dolayı bir az bəlli struktur və şəxslərə qarşı qəzəbini unutmağı bacarsa, saytını daha da inkişaf etdirə biləcək. Ruslan Bəşirlini deyiriksə, onun da saytı seçilən saytlardan biridir, kollektivində yetərincə peşəkar olan təcrübəli jurnalistlər çalışır. Başqalarını da misal gətirə bilirik. Rəqabət və zaman özü hər şeyi həll edəcək. Daha yaxşı, daha güclü olanlar zamanla önə çıxacaq və ayaqda qalacaq. İndi bütün saytların qarşısında eyni sual dayanır: necə bir fərq yaratmalı, necə ayaqda qalmalı? Çünki situasiya 5-10 il əvvəlki kimi deyil.

- Azərbaycanda bir müddət öncə bir neçə baş redaktor reket adıyla həbs edildi. Sizcə bu hadisədən sonra reket medianın qarşısı alındı?

- Məncə, tam yox, həbs olunan birinin yerini digəri tutacaq və tutub da. Önəmli olan səbəblərin aradan qaldırılmasıdır. Tək rüşvət alanı yox, rüşvət verəni də həbs etmək lazımdır və qanunvericilik də bunu tələb edir. Digər tərəfdən dövlət qurumları, məmurlar və iş adamları da ciddi mətbuata daha açıq olmalı, öz informasiya siyasətlərini düzgün qurmalı, sorğulara operativ cavab verməlidir. Yalan informasiyalar yox, həqiqət danışmalıdırlar. Problemləri səmimi etiraf etməkdən çəkinməməlidirlər. Özünü tənqidi formalaşdırmalıdırlar və s.

- Yəqin ki, bu 10 ildə sizi də təhdid edən, hədə qorxu gələn məmurlar olub. Bu hadisələrlə bağlı ən yaddaqan nə olub?

- Müəyyən məhkəmə çəkişmələrimiz olub, hər birində də məhkəməni udmuşuq. Hazırda da "KFC” ilə iki uşağın zəhərlənməsi ilə bağlı dərc etdiyimiz sənədli-sübutlu bir xəbərə görə məhkəmə prosesimiz gedir. Amma heç vaxt hansısa açıq və ya birbaşa formada təhdid almamışıq. Belə bir faktla üz-üzə qalmamışıq.

- Sonuncu sualım. Nə vaxtsa jurnalistikadan uzaqlaşmağı düşünürsüz və ya son zamanlar dəb halını alan mühacir həyatı yaşamağı düşünmüsüz?

- Əslində bugünkü işim də jurnalistika deyil. Mən "Qaynarinfo”nun meneceriyəm, nadir hallarda yazı yazıram. Buna zamanım da olmur doğrusu. Bir çox fərqli internet layihələrimiz də var, onlar da xeyli vaxt alır. Ölkəni yalnız bir halda tərk edə bilərəm, hansısa layihəmizin böyüməsi, xaricə açılması bunu tələb edərsə. Mən ölkəmi sevirəm və hesab edirəm ki, hətta bu ölkəni tərk edənlər də bu ölkəni sevir, sadəcə mən burda qalıb faydalı olmağa çalışıram. Bütün problemlərə rəğmən. Digəri kənarda daha faydalı ola biləcəyini düşünürsə, qoy olsun. Amma istər burada, istər mühacirətdə əlindən heç bir iş gəlməyən insanlar da az deyil və təəssüf ki, çoxluq təşkil edir. Qoy elə bir ölkə quraq ki, heç kim buranı tərk etmək zərurəti hiss etməsin, hamıya sahib çıxmağı öyrənək, hamını sevək. Sözdə yox, əməldə də tolerant olmağı unutmayaq. Mühacirət – həm də beyin axını deməkdir, mütəxəssislərin, savadlı kadrların daha münbit şəraitə daşınması deməkdir. Hamını vətənpərvərlik nağılı ilə bir çətirin altına yığmaq mümkün deyil. İnsanların təbii istəkləri də var. İş, karyera, normal gəlir, ideyalarının dəyərləndirilməsi və s. Biz bu şəraiti quraq, hamını dinləməyi və dəyərləndirməyi öyrənək, dəstək olaq. Onda bu ölkədən beyinlər yox, avaralar və avantüristlər gedəcək. Ona da üzülməyə dəyməz.

Hacıbəy Heydərli,
AZXEBER.COM

Oxunma sayı : 2638

Loading...
SON XƏBƏRLƏR
Naxçıvan Muxtar Respublikasının yeni vergilər naziri təyin edilib - 23 İyun 2017, 00:34
Dərman alarkən diqqətli olun! - Kapsul dərmanın içi boşdur? - VİDEO - 22 İyun 2017, 23:54
Gənc qıza reanimasiyada təcavüz edildi - FOTO - 22 İyun 2017, 23:24
Evlənməkdən imtina edən ofisiant qızı kafedə qanına qəltan etdilər - 22 İyun 2017, 22:46
BMT: Yer kürəsi əhalisinin sayı 2100-cü ilədək 11 milyarda çatacaq - 22 İyun 2017, 22:20
Siqaret çəkənlərə BƏD XƏBƏR - CƏRİMƏLƏNƏCƏKSİNİZ - 22 İyun 2017, 21:46
Bakıda əcnəbi turisti qarət edən üç qadın tutulub - 22 İyun 2017, 21:10
Ağstafada ″Qrad″ raketi aşkarlanıb (FOTO) - 22 İyun 2017, 20:36
Sabah Bakının bəzi hissələrində qaz olmayacaq - 22 İyun 2017, 19:52
"Ailə TV"nin ofisinə basqının üstünün açılması ilə bağlı birgə məlumat yayılıb - RƏSMİ - 22 İyun 2017, 19:04
Jurnalist olmaqdan öncə əsl vətəndaş olmaq lazımdır - 22 İyun 2017, 18:08
Azərbaycanlı aktrisa gəlinlikdə - FOTO - 22 İyun 2017, 17:51
Azərbaycan 4 ölkəyə yardım etdi - 50 min dollar - 22 İyun 2017, 17:40
Nəsimi rayonunda Ramazan bayramı münasibəti ilə iftar süfrəsi təşkil olunmuşdur - 22 İyun 2017, 17:12
Mehriban Əliyeva aprel şəhidinin borcunu sildirdi: "Parabank" geri addım atmağa məcbur oldu - 22 İyun 2017, 17:09
Əli İnsanovun apellyasiya şikayəti rədd edildi - 22 İyun 2017, 17:02
Gənclər və İdman nazirliyinin mətbuat katibi də jurnalistlərin binasından ev almaq istəyir: "Sizə nə?" - 22 İyun 2017, 17:01
Oqtay Şirəliyev “Həkimlərin bilik və bacarıqlarının təkmilləşdirilməsi sahəsində əlavə tədbirlər barədə” əmr imzalayıb - 22 İyun 2017, 16:43
Azərbaycanda ana oğlunu öldürən gənci bağışladı - 22 İyun 2017, 16:34
QMİ-dən bayram namazı AÇIQLAMASI - 22 İyun 2017, 16:22
Ana oğluna görə yalvarır - "Rəhminiz gəlsin, oğlumu xilas edin" - FOTO - 22 İyun 2017, 16:16
Rahidə Baxışovanı belə görməmisiniz - FOTOLAR - 22 İyun 2017, 15:57
Vüsal Quliyev: "O torpaqlar bizim torpaqlarımızdır və biz o torpaqlara qayıdacağıq" - 22 İyun 2017, 15:55
Qənirə Paşayeva aprel şəhidini məhkəməyə verən "Parabank"ı rüsvay etdi - 22 İyun 2017, 15:40
Ərinin əl-ayağını bağlayan 5 kişi qadını zorladı - 22 İyun 2017, 15:40
İqtisad Universitetində kütləvi təmizləmə: Keçmiş rektora yaxın adamlar işdən çıxarılır - 22 İyun 2017, 15:24
Eldar Əzizov "Vətənə xidmətə görə" ordeni ilə təltif edildi - 22 İyun 2017, 15:12
Rüşvət alarkən həbs olunan direktorun yerinə xalq artisti təyin edildi - 22 İyun 2017, 15:09
Lapşinin məhkəməsi başladı - 22 İyun 2017, 14:36
Azərbaycan Universitetində bu da oldu: Dərsə şortla gəlmək qadağan edildi - 22 İyun 2017, 14:14
Səməd Səmədov: "Ayda bir dəfə manikürə və pedikürə gedirəm" - 22 İyun 2017, 14:07
Yığmamızın üzvü: "Arvadım müğənni olsa da, bizim sevgimiz əbədidir" - FOTOLAR - 22 İyun 2017, 13:56
Prezidentdən İbrahim Yusifzadəyə yubiley hədiyyəsi: "Vətənə xidmətə görə” ordeni - 22 İyun 2017, 13:32
Bakıda faciəvi şəkildə ölən Susananın anasından şok iddia – FOTO - 22 İyun 2017, 13:30
Yenə yağış yağacaq - 22 İyun 2017, 13:22
Novxanı çimərliyi: Dənizkənarında masa üçün 10 manat vermək lazımdır - FOTO - 22 İyun 2017, 13:13
Millət vəkili Adil Əliyev əlilliyi olan yazar üçün təqdimat təşkil etdi - FOTOLAR - 22 İyun 2017, 12:57
6 dəfə evli olan kişi arvadını və körpəsini öldürüb ağladı: "Arağa görə oldu" - 22 İyun 2017, 12:50
İşıq adam - 22 İyun 2017, 12:48
“Atamın oğlu da olsa, söyüşü bağışlamıram”- Fransada təhsil aldı, Bakıda adam öldürdü - 22 İyun 2017, 12:40
"Gənclik" metrostansiyasının qarşısında faciə: Adam öldü - 22 İyun 2017, 12:25
Tutulan erməni kəşfiyyatçı ilə bağlı tərəflərlə dialoq başladı - 22 İyun 2017, 12:21
Füzuli rayon icra hakimiyyətinin başçısı Alı Alıyev Prezidentin rayona səfərini niyə görməzdən gəlir? - FOTOFAKT - 22 İyun 2017, 12:05
MTN polkovniki 147 min manata həbsxanadan adam çıxarırmış - 22 İyun 2017, 11:49
Bakıda “Ailə TV”nin ofisinə silahlı basqın: seyf oğurlandı - 22 İyun 2017, 11:30
Bütün xəbərlər >>


Ünvan: Bakı şəhəri, Zərifə Əliyeva küçəsi 32, Ofis 10
Bizim email ünvanımız: azxeber@mail.ru
Əlaqə nömrəsi
012-493-13-65
077-270-01-10