Azərbaycanın İnsan Hüquqları üzrə Müvəkkilinin (Ombudsman) Aparatı 1 saylı Cəzaçəkmə Müəssisəsi ilə bağlı mətbuatda yayılan məlumatlara münasibət bildirib.
Ombudsman Aparatının şöbə müdiri, Milli Preventiv Qrupun rəhbəri Rəşid Rumzadə APA-nın sorğusuna cavab olaraq bildirib ki, yayılan xəbərlərdən məlumatlıdırlar və hazırda araşdırma aparılır.
"Araşdırmanın nəticələri barədə yaxın günlərdə ictimaiyyətə əlavə məlumat veriləcək" – deyə o qeyd edib.
Qeyd edək ki, dünən bəzi KİV-də 1 saylı Cəzaçəkmə Müəssisəsində məhkumların etirazının baş verməsi və bununla bağlı müəssisəyə hərbçilərin daxil olması barədə məlumatlar yayılıb.
