Bu gün Ay Oxatan bürcündə səyahət edəcək.
AZXEBER.COM xəbər verir ki, bu barədə astroloq Dinçer Güner öz sosial media hesabında paylaşım edib.
O, paylaşımında bildirib:
"Birdən daha nikbin və həvəsli hiss edə bilərik. Yeni təcrübələrə açıq olmaq, rutinlərdən çıxmaq və macərapərəst tərəfimizi kəşf etmək üçün əla vaxtlardır. Özümüzü daha azad və müstəqil hiss etdiyimiz bu dövrdə səyahət planları qurmaq və ya uzun müddətdir təxirə saldığımız işləri həyata keçirmək daha xoş ola bilər.
Öyrənmək istəyimiz artır, fərqli mədəniyyətlərlə və ya yeni biliklərlə maraqlanmaq bizi qidalandırır. Eyni zamanda, daha açıq sözlü, bəzən də düşüncəsiz ola biləcəyimiz üçün ünsiyyətimizə bir az diqqət yetirməkdə fayda var.
Sosial mühitlərə qatılmaq, yeni insanlarla tanış olmaq və həyatın dadını çıxarmaq üçün gözəl zamanlardır. Ancaq bu enerji bizi bəzən ifrat davranışlara və ya həddindən artıq nikbinliyə sürükləyə bilər; buna görə qərarlarımızı diqqətlə vermək faydalı olar.
İdmana başlamaq üçün də uyğun zamandır".
Oksana
