Eşqi, xoşbəxtliyi, yaradıcılığı, pulu, sevgini, estetik və gözəlliyi simvolizə edən Venera, Əkizlər bürcündən çıxaraq Xərçəng bürcünə keçir və 25 avqusta qədər bu bürcdə hərəkət edəcək.
AZXEBER.COM xəbər verir ki, bu barədə astroloq Dinçer Güner öz sosial media hesabında paylaşım edib.
O, paylaşımında bildirib:
" Veneranın əvvəlki dayanacağı olan Əkizlər bürcündəki o flörtöz, sosial və bir mövzudan digərinə atlayan enerjidən sonra Xərçəng bürcünə keçidi – sanki çöldəki səs-küylü bir partidən çıxıb, isti və sakit evimizə girmək kimidir. Enerji artıq çöldən evə yönəlir. Artıq öncəliyimiz "nə qədər çox insanla tanış ola bilərəm?” deyil, "kimlərlə həqiqətən dərin bir bağ qura bilərəm?” sualına çevrilir.
Bu dövrdə təhlükəsizlik, şəfqət və aidiyyət hissi hər şeydən önəmli olur. Bir sözlə, qəlbimiz bir "yuva” axtarmağa başlayır.
Səthi münasibətlər, bir gecəlik macəralar və emosional dərinlikdən məhrum flörtlər artıq cazibəsini itirir. Biz tərəfdaşımızla sadəcə danışmaq deyil, onunla birlikdə "hiss etmək” istəyirik. Qucaqlaşmaq, əl-ələ tutmaq kimi fiziki təmaslar hər zamankindən daha mənalı olur.
Sevdiklərimizi qanadlarımızın altına almaq, onları hər cür pislikdən qorumaq istəyi zirvəyə çatır.
Bu dövrdə keçmiş sevgiləri xatırlaya bilərik, lakin diqqətli olun! O münasibətlərin niyə bitdiyini xatırlayın! Münasibətlər ciddiləşə bilər. Bu, partnyorunuzu ailənizlə tanış etmək və ya onun ailəsi ilə tanış olmaq üçün əla zamandır.
Evimizi gözəlləşdirmək, onu daha komfortlu və isti bir yerə çevirmək istəyimiz arta bilər. Yeni yastıqlar almaq, divarlara xatirələrlə dolu fotolar asmaq, mətbəxə yeni və dəbli əşyalar almaq kimi xərclər gündəmə gələ bilər. Ailəmizə, dostlarımıza xüsusi süfrələr hazırlamaq, nənə reseptlərini sınamaq bu dövrün ən ləzzətli fəaliyyətlərindən olacaq.
Ailə üzvləri ilə münasibətləri düzəltmək, onlarla daha çox vaxt keçirmək, küsülülüklərə son vermək üçün çox dəstəkləyici bir zamandır.
Subaylar üçün isə Veneranın Xərçəng bürcünə keçidi – emosional bağ qura biləcəkləri, özlərini təhlükəsiz hiss edəcəkləri münasibətlərə doğru asanlıqla çəkilmə dövrüdür. Pul yığmağa başlamaq, qənaət etmək baxımından da bərəkətli bir mərhələdir.
Saatlarla gözəllik salonlarında vaxt keçirməkdənsə, evdə özümüzə etdiyimiz baxımlar daha cazibədar görünə bilər.
Ev, torpaq və ya daşınmaz əmlak almaq, evə sərmayə qoymaq, ev dekorasiyası, təmir və ya yenilənmə kimi mövzular gündəmə gələ bilər".
Oksana
