“Facebook” sosial şəbəkəsi statusların maksimal uzunluğunu 63 min işarəyədək artırıb. Bu, indiyədək qoyulmuş 5000 işarəlik limitdən 12 dəfə çoxdur. “İndi siz statuslar, dostlarınızın və qrupların səhifələrinə ismarışlar da da daxil olmaqla 60 min işarədən çox mətnlər yaza bilərsiniz”, - “Facebook”un nümayəndəsi Vadim Lavruşik öz səhifəində yazıb. Bu, o deməkdir ki, “Facebook” istifadəçiləri 140 işarəlik məhdudiyyət qoyulmuş “Twitter” xidməti ilə müqayisədə təxminən 450 dəfə uzun mətnlər yerləşdirə bilərlər. 2009-cu ilin martınadək “Facebook”dakı statuslar 160 işarədən artıq ola bilməzdi. Sonradan məhdudiyyət 420, 2011-ci ilin iyulunda isə 500 işarəyə çatdırıldı. Bu ilin sentyabrından statusların mümkün uzunluğu boşluqlar da daxil olmaqla 5000 işarə təşkil edirdi. Xəbərlər lentində 4-5 sətirədək olan statuslar bütöv görünəcək. Daha uzun yazı yerləşdirildikdə isə, istifadəçi onun yalnız əvvəlini görə biləcək. Əgər yazı limiti aşarsa, “Facebook” istifadəçiyə xəbərdarlıq edəcək.
