Azərbaycanın Samux rayonunda H5N1 virusu («quş qripi») aşkarlanıb.
«APA-ECONOMICS»in məlumatına görə, bu barədə Azərbaycan səhiyyə nazirinin müavini Elsəvər Ağayev bildirib. Onun sözlərinə görə, Dövlət Baytarlıq Xidməti tərəfindən Səhiyyə Nazirliyinə quş qripi ilə bağlı məlumat daxil olub: «Belə ki, Samux rayonunda ev quşları arasında tələfat olub və qan nümunələri nazirliyə göndərilib».
Nazir müavini qeyd edib ki, H5N1 virusu olan «quş qripi»nin H5-i artıq təsdiq olunub, N1-in aşkarlanması istiqamətində isə hazırda laboratoriyada tədqiqatlar aparılır.
