AZXEBER.COM Türkiyə mediasına istinadən xəbər verir ki, araşdırmalar nəticəsində hansı aylarda doğulan uşaqların intellekt potensialının daha yüksək olduğuna dair mühüm məlumatlar əldə edilib.

 

Sentyabr ayında doğulan uşaqların akademik uğurları ilə seçildiyi müəyyən edilib. ABŞ-da 1 milyon şagirdin məlumatlarını araşdıran elm adamları sentyabr ayında doğulan şagirdlərin digər aylarda doğulanlara nisbətən dərslərində daha müvəffəqiyyətli olduğunu ortaya qoyublar.

 

Avqust ayında doğulan uşaqlar ümumiyyətlə daha az akademik uğur qazanmış kimi təsvir ediliblər.

 

Məlum olub ki, idman sahəsində uğur qazananların əksəriyyəti avqust ayında doğulub.

 

Xüsusilə futbol və basketbol kimi idman növlərində ulduz futbolçuların əksəriyyətinin avqust ayında doğulduğu bildirilib.

 

ABŞ Milli İqtisadi Araşdırmalar Bürosunun açıqlamasına görə, sentyabr-dekabr aylarında doğulan uşaqların 1 il gec məktəbə getmələri də onların zəka səviyyələrinə müsbət təsir göstərir.

 

Bu araşdırmalar göstərir ki, doğum ayı təkcə bürclərə və doğum günlərinə deyil, həm də zəka və ömür kimi mühüm amillərə təsir edə bilər. Araşdırmalar həm də payız və qış aylarında doğulanların yaz və yay aylarında doğulanlardan daha uzun ömür sürdüyünü təsdiqləyib.