ABŞ-nin mərkəzi hökuməti ilə Texas əyalətinin səlahiyyətli orqanı arasında böhrana səbəb olan sərhəd təhlükəsizliyi müzakirələrinin davam etdiyi bildirilib.
AZXEBER.COM Qərb mediasına istinadən xəbər verir ki, Mərkəzi və Cənubi Amerikadan ABŞ tərəfinə qeyri-qanuni keçidlər davam edir.
El Paso və Syudad Xuares arasında təbii sərhədi təşkil edən Rio Qrande çayını keçən miqrantlar qarşılarına çıxan son maneə olan tikanlı məftilləri çəpərlərin üstündən ya kəsərək, ya da qalın parçalar ataraq aşmağa çalışıblar.
Texasın Respublikaçı qubernatoru Qreq Abbottun göstərişi ilə bir il əvvəl qaldırılmağa və uzadılmağa başlayan sərhəd çəpərləri immiqrantların ABŞ-a qeyri-qanuni keçməsinə mane ola bilməyib.
Kolumbiya, Venesuela, Qvatemala kimi ölkələrdən gəlib yeni həyata başlamaq arzusu ilə Meksika üzərindən ABŞ-a keçən mühacirlərin bir qismi məqsədlərinə çatarkən, əksəriyyəti toplama mərkəzlərində saxlanılaraq geri göndərilib.
Qeyd edək ki, 2024-cü ilin maliyyə büdcəsi Nümayəndələr Palatasında Respublikaçılar tərəfindən sərhəd təhlükəsizliyi üçün kifayət qədər pul ayrılmadığı və bu səbəbdən ölkə 2023-cü il oktyabrın 1-dən etibarən müvəqqəti büdcələrlə idarə edildiyini əsas gətirərək rədd edilib.
Oksana Orucova
