AcunİlicalıyaxıngünlərdəBakıya gəlir

Türkiyə və Azərbaycanın birgə layihəsi olan “Acıtan yürek” bədii filminin çəkilişləriylə bağlı seçim turuna münsif kimi qatılacaq Türkiyənin məşhur aparıcısı və prodüseri Acun İlicalı yaxın günlərdə Bakıya gələcək. Bu barədə AZXEBER.COM-a layihənin təşkilatçısı Günel Abdullayeva məlumat verib.

Bundan başqa, Türkiyənin tanınmış rejissoru Cansu Kırdar İrmakın ekranlaşdıracağı “Acıtan yürek” filminin final seçim turlarında Türkiyənin məşhur aktyoru Saruhan Hünəl və “Muhteşem yüzyıl” serialında Hürrəm Sultanı canlandıran aktrisa Məryəm Üzerli də iştirak edəcək. Adı çəkilən sənətçilərin Bakıya gəlişi qarşıdakı günlərdə məlum olacaq.

Məlumat üçün bildirək ki, “Acıtan yürek” filmin çəkilişlərini Azərbaycanda Bakı və Qəbələdə, Türkiyədə isə İzmirdə gerçəkləşdirəcək. Filmdə çəkilmək üçün seçim turları davam edir. Seçim turlarına 18-30 yaşarası gənclərlə (qeydiyyatın qiyməti 4 AZN dəyərindədir) yanaşı, 3-14 yaşarası uşaqlarda (qeydiyyatın qiyməti 2 AZN dəyərindədir) qatıla bilərlər. Bunun üçün qeyd olunan yaş həddinə uyğun şəxslər (qadın və kişi) şəxsiyyət vəsiqəsinin surətiylə və 2 ədəd 3x4 ölçülü şəkillə müraciət etsinlər.

Qeyd edək ki, bu gündən etibarən “Facebook” sosial şəbəkəsində “Acıtan yürek” bədii filminin rəsmi qrupu fəaliyyətə başlayıb.

https://www.facebook.com/groups/374940215939615/ Əlaqə telefonları: +994 55 3696749 +994 55 5222499