Xəbər verdiyimiz kimi, müğənni Leyla Rəhimova boşandığı həyat yoldaşı Zaur Cəlilin özünə və övladlarına məxsus sənədləri ondan almaqda ittiham edir. Məsələ ilə bağlı "Space xəbər”ə danışan ifaçı aidiyyəti qurumlardan ona sənədlərini bərpa etməkdə yardım göstərməklərini istəyib.
O, iddia edir ki, keçmiş həyat yoldaşı müğənini valideynlərini ziyarət etmək məqsədi ilə Bakıya gətirib, lakin daha sonra ona və övladlarına aid olan sənədləri götürərək Amerikaya qayıdıb. L.Rəhimova bildirib ki, sənədləri eks-həyat yoldaşından istəsə də, Z.Cəlil cavabında onları itirdiyini deyib.
AZXEBER.COM xəbər verir ki, bu gün "Rəngarəng" verilişində qonaq olan müğənni məsələni artıq qanuni yollarla həll etdiyini açıqlayıb:
"Artıq lazimi qurumlara müraciət etmişəm. Təbii ki, bütün sənədləri yenidən düzəldirik. Demək olar ki, problemimiz həll olub. "Green card"ımı geri istəməyimin səbəbi də uşaqlarım ilə bağlıdır. Çünki onlar gələcəkdə yenidən Amerikaya getmək istəsələr, mən onları tək butraxa biulmərəm. Məcburam ki, onlarla gedim".
Aysel
