Ukraynada baş verən siyasi hadisələr futbol üzrə Avropa Çempionatının final mərhələsinin keçirilməsini təhlükə altına qoyub. Almaniya başda olmaqla bir sıra ölkələrin dövlət başçılarının çempionatı boykot edəcəyilə xəbərdarlıq və Dnepropetrovskda baş verən partlayışlar turnirin təhlükəsizlik təminatı ilə bağlı şübhələr ortaya atıb. Artıq məsələyə UEFA tərəfindən də münasibət açıqlanıb. Yarışın idman direktoru Martin Kallen vəziyyətin belə davam edəcəyi təqdirdə UEFA-nın turniri gələn ilə təxirə salmağı müzakirə edə biləcəyini deyib.
