Oktyabrın 15-16-da Bakıda “Xəzər 2011” Beynəlxalq Kinoloqiya Sərgisi keçiriləcək. Bu barədə Modern.az-a sərginin təşkilatçıları məlumat veriblər. Sərgidə müxtəlif cinslərdən olan 130-dək it iştitak edəcək. Qeyri-adi sərgi Nobel prospektində yerləşən Nizami adına parkda (Lunapark) təşkil olunacaq. Sərgiyə çıxarılacaq bütün cinslərdən olan itləri Serbiya və Xorvatiyadan olan münsiflər – Duşan Paunoviç və İqor Selimoviç qiymətləndirəcəklər. Sərgi saat 11.00-dan 17.00-dək keçiriləcək.Qalib itlərə müxtəlif titullar veriləcək. Yekunda 2011-ci ilin payızının ən yaxşı iti seçiləcək.
