Axşam saatlarında Bakının 20 Yanvar dairəsində körpünün üstündə yol-nəqliyyat hadisəsi baş verib.
AZXEBER.COM qafqazinfo-ya istinadən xəbər verir ki, yüksək sürətlə hərəkət edən 90-LE-702 dövlət nömrə nişanlı "Hyundai" markalı avtomobil hərəkətdə olan 10-RU-782 dövlət nömrə nişanlı "Mercedes" markalı maşına çırpılıb.
Hadisə nəticəsində "Hyundai" aşıb, digər maşın isə yararsız hala düşüb. Hadisə şahidlərinin sözlərinə görə, "Hyundai" markalı avtomobilin sürücüsü qəza yerindən qaçıb. "Mercedes"in sürücüsünə isə ilkin tibbi yardım göstərilib, vəziyyət kafi qiymətləndirilir.
Faktla bağlı araşdırma aparılır.
