Bu gün günorta saatlarında paytaxtda sərnişin avtobusunda yanğın olub.Bakı dairəvi yolunda qeydə alınan hadisə zamanı üzü şəhər istiqamətində hərəkətdə olan "İveko markalı" sərnişin avtobusunda qəfildən tüstülənmə müşahidə olunub. Bu isə sərnişinlər arasında çaşqınlığa səbəb olub. Sürücü və ətrafdakı insanların köməyi ilə maşının alışmasının qarşısı alınıb. Xoşbəxtlikdən hadisə zamanı xəsarət alan olmayıb.Yanğına avtobusun elektrik naqillərində baş verən qısaqapanmanın səbəb olduğu bildirilir.
