Xəbər verdiyimiz kimi, əməkdar artist Baloğlan Əşrəfov koronavirusdan vəfat edib.
Müğənni vəfatından 3 gün öncə AZXEBER.COM-a açıqlamasında bildirmişdi ki, vəziyyətii çox ağırdır:
"Bu koronavirus Allahın bəlasıdır, hamının qarşısına çıxır. Məni çox yormayın xahiş edirəm, hazırda ev şəratində müalicə oluram, həkim nəzarəti altındayam, inşallah yaxşı olar”.
Müğənni maskasız canlı efirdə qonaq olduğu zaman koronavirusa yoluxduğunu da bildirmişdi:
"Məni telekanalların verilişlərinə dəvət etdilər, canlı yayım idi. Bayırdan maskayla gəldik telekanala, studiyaya daxil olanda bizdən maskaları çıxarmağı tələb etdilər. Maskamı çıxartdırdılar ki, indi bu dəqiqə canlı yayım başlayacaq. Mən də məcbur çıxartdım. Canlı oxutdurmaq istədilər, mənim mikrafonum başqa müğənninin mikrafonuna, başqa müğənnilərin mikrafonu mənimkinə qarışdı. Beləcə aləmi qatdılar bir-birinə. Allah cəzalarını versin”.
Nərmin Məmmədli
