Almaniyanın ən böyük komandalarından biri olan "Bavariya" heç də həmişə transferlərə xərclədiyi pulların əvəzini oyunçularından qazana bilməyib.
5. Lukas Podolski
"Köln" ilə ulduzlaşan hücumçu 2006-ci il Dünya Çempionatında Almaniya millisi ilə oynadığı oyunlarda daha da parladı. Həmin il "Bavariya" skautları Podolskini 10 milyon avroya kluba transfer edir. Ancaq bir il sonra kluba Luka Toni də transfer olunur. Kloze ilə mükəmməl ikili olan Toni Podolskidən formanı alır. Beləliklə, millinin 10 nömrəsi artıq enişə keçir. 2009-cu ildə "Köln"ə geri dönən almaniyalı "Arsenal", "İnter" , "Qalatasaray" kimi titullu klubların formasını geyinir. Hazırda "Antalyaspor"un kapitanıdır.
4. Landon Donavan
Amerikalı oyunçu "Bavariya" tarixinin ən uğursuz transferlərindən biridir. 2009-cu ildə icarə əsasında alman klubuna gələn Donavan bərbad karyera ilə klub tarixinə düşən oyunçulardandır. Cəmi 7 matçda oynayan oyunçu mövsüm sonu gəldiyi "LA Qalaksi"yə geri dönür.
3. Medhi Benatia
Mərakeş millisinin müdafiəçisi üçün 2014-cü ildə Avropa nəhəngləri yarışırdı. "Bavariya" rəhbərliyi Benatianın transferini açıqladıqdan sonra "Mançester Siti", "Real Madrid" kimi klubların böyük müdafiəçi itirdiyi bildirilirdi. Ancaq gözlənilənlər olmadı. 28 milyon dollara "Roma"dan transfer olunan müdafiəçi Hummelsin də gəlişi ilə əsas heyətdən uzaqlaşmağa başladı. "Bavariya"dan sonra 4 il "Yuventus"da oynayan milli oyunçu hazırda "Əl - Duhail"də forma geyinir.
2. Breno Borges
2007-ci ildə "Sao Paulo"dan böyük ümidlərlə transfer olan gənc oyunçu "Bavariya" rəhbərliyini şoka saldı. İlk vaxtlar əsas komanda ilə çıxış etməyə başlayan oyunçu pula həris oldu. Sğortadan pul almaq üçün evini bilərəkdən yandıran braziliyalı 2,5 illik həbs cəzası almaqla "Bavariya" karyerasını bitirdi. sabiq klubunda futbola yenidən başlayan Borges hazırda klubsuzdur.
/cdn.vox-cdn.com/uploads/chorus_image/image/44366832/109382226.0.jpg)
1. Mario Götze
Tam bir "fiasko". "Bavariya" tarixinin ən uğursuz transferi.
2013-cü ildə "Borussiya Dortmund"dan 37 milyon avroya transfer olunan alman oyunçu üçün bonuslarla birlikdə cəmi 45 milyon avro ödənilir. Almaniya futbolunda ulduz sima kimi qiymətləndirilən oyunçuya ödəniləcək məbləği hec cür geri qaytara bilməyəcək olan "Bavariya"nın yeganə təsəllisi bir il sonra "Dortmund"dan Levandovskinin pulsuz kluba qoşulması olacaqdı. "Bavariyada ümidləri doğrulda bilməyən oyunçu sabiq klubuna dönən növbəti oyunçu olur. 2016-cı ildən "Dortmund"da çıxış edən oyunçunu artıq istəyən klub belə yoxdur.
Hüseyn Qarazadə
