Beyin ölümünün olduğu bildirilən şəxs orqanları çıxarılan zaman qəfil ayılıb.
AZXEBER.COM xarici mediaya istinadən xəbər verir ki, hadisə ABŞ-ın Kentukki ştatında baş verib.
Belə ki, xəstəxanaya aparılan 36 yaşlı xəstənin beyin ölümü keçirdiyini deyib, orqanlarını bağışlamaq üçün hazırlıqlar görülüb. Xəstənin bacısı onun gözlərini açdığını və ətrafa baxdığını desə də, bunun adi bir refleks olduğunu bildiriblər.
Xəstənin əməliyyat masasında daha şiddətli hərəkət etməsi və hiss olunacaq dərəcədə ağladığını görən həkimlər əməliyyatı dayandırıblar.
Bu hadisə ictimaiyyət arasında narahatlıq yaradıb. Uzun gözləmə müddəti və bağışlanan orqanların mənimsənilməsi kimi məsələlər də mövcud şəbəkələrin tənqidləri arasında idi.
Baş vermiş hadisə orqan bağışlama sistemlərində istifadə olunan protokolların etibarlılığını şübhə altına alıb. Şikayətçi Nicoletta Martin, sentyabr ayında ABŞ Nümayəndələr Palatasının Enerji və Ticarət üzrə orqan qrant və transplantasiya Komitəsinin iclasında bu hadisədən danışıb.
Science Alert elmi saytının ABŞ-ın NPR (Milli İctimai Radio) Milli Televiziya şirkətinə istinadən verdiyi məlumata görə, bu qeydlərdə donorun ürək transplantasiyasından əvvəl aparılan klinik sınaqlar zamanı həyat əlamətləri göstərdiyi qeyd edilib.
Martin NPR - ə verdiyi açıqlamada deyib:
"Donor həmin səhər ürək kateterizasiyası proseduru zamanı masada hərəkət edirdi".
Hadisə ilə bağlı araşdırmalar başladılıb.
Oksana
