Lənkəran Ağır Cinayətlər Məhkəməsində Ağcabədi rayon sakini 22 yaşlı Nurəddin Süleymanovun məhkəməsi başa çatıb.
AZXEBER.COM-un məlumatına görə, məhkəmənin hökmü ilə Nurəddin Süleymanov xüsusi amansızlıqla qəsdən adam öldürmədə təqsirli bilinərək 13 il müddətinə azadlıqdan məhrum edilib.İttihama görə, fevralın 5-də rayonun Minəxorlu kəndində Nurəddin Süleymanov 29 yaşlı Xalid Həsənovu qətlə yetirib.Hadisəyə səbəb borc pul olub. Nurəddin Süleymanovla Xalid Həsənov Bakıda bir yerdə işləyiblər. Həmin vaxt X.Həsənov həmyerlisindən 40 manat borc pul alıb. Həmyerlilər rayona qayıdandan sonra N.Süleymanov pulunu geri istəsə də ala bilməyib. Onların sonuncu görüşü X.Həsənovun yaşadığı Minəxorlu kəndində baş verib. Həmyerlilər arasında mübahisə yaranıb və bu zaman Xalid Həsənov Nurəddin Süleymanovu döyüb. Döyülən Nurəddin cibindəki bıçaqla Xalidə 3 zərbə vurub.
