Böyük Britaniya və Fransa aprelin 10-da NATO-nun mənzil-qərargahında Müdafiə nazirlikləri səviyyəsində "istəklilər koalisiyası"nın iclasını keçirəcək.
Bu barədə alyansdan bildirilib.
"Aprelin 10-da Böyük Britaniyanın müdafiə naziri Con Hili və Fransanın silahlı qüvvələr naziri Sebastyen Lekornyu Brüsseldə NATO-nun mənzil-qərargahında "istəklilər koalisiyası”nın görüşünü keçirəcəklər", - məlumatda qeyd olunub.
Bu yaxınlarda Parisdə bu koalisiyanın sammiti keçirilib və onun yekunları üzrə koalisiya üç həftə ərzində Ukraynada atəşkəsin təmin edilməsi ilə bağlı təklif hazırlamağı vəd edib.
