Qazaxıstanda qarın əriməsi nəticəsində yaranan daşqınlardan zərər çəkmiş ərazilərdən 100 mindən çox insan xilas edilib.
AZXEBER.COM xarici mediaya istinadən xəbər verir ki, əriyən qar səbəbindən ölkənin 10 ştatında 3 mindən çox evi su basıb, nəqliyyat infrastrukturu, xüsusilə yollar və körpülər zədələnib.
Daşqın səbəbindən Qərbi Qazaxıstan, Atrau, Aktobe, Kostanay, Pavlodar, Akmola, Qaraqandı və Ulutau əyalətlərində yerli fövqəladə vəziyyət elan edilib.
Fövqəladə Hallar Nazirliyinin verdiyi açıqlamaya görə, indiyədək ölkədə daşqın zonalarından təxliyə edilənlərin sayı 100 mini keçib.
Bu adamlardan 2823 nəfəri helikopterlər vasitəsilə xilas edilib. Təxminən 8500 nəfər müvəqqəti yaşayış mərkəzlərində məskunlaşıb. Su basmış kəndlərdən 81 min xırda və iribuynuzlu heyvan təxliyə edilib.
Ölkədə gecə-gündüz davam edən təxliyə və sellə mübarizə əməliyyatlarında 23 min personal çalışır.
Digər tərəfdən, daşqından zərər çəkmiş bölgələrə 134 ton humanitar yardım çatdırılarkən, hökumət bu bölgələrdə yeni evlər tikəcəklərini açıqlayıb və fəlakətdən zərər çəkənlərə təzminat ödəməyə başlayıb.
Mikayıl
