Andrey Ağayev içki düşkünü olduğundan birinci həyat yoldaşı ondan ayrılıb.
O, ikinci dəfə Lalə Ağayeva ilə ailə həyatı qurub.Lalə Ağayeva da bir dəfə ailəli olub və birinci nikahından Boris adlı bir oğlu da olub. Lakin Lalə xanım birinci ərindən ayrılanda oğlunu onun yanında saxlayıb.Andreylə Lalənin birgə nikahından bir oğlan övladları dünyaya gəlib. Ərlə arvad ikisi də spirtli içki düşkünü olduğundan qazandıqlarını arağa veriblər.Bir gün işdən evə tez qayıdan Andrey mənzilə daxil olanda yataq otağından səslər eşidib.Andrey astaca qapını aralayıb yatağına baxanda orada tanışı Serqeylə Laləni lüt görüb. Onun evə daxil olmasından xəbərsiz olan “cütlük” sevgi ilə məşğul olmaqda davam ediblər. Andrey evi tərk etmək istəyəndə sevgililər qapının səsini eşidiblər. Serqey Andreyi görəndə pəncərədən tullanaraq qaçıb.Arvadına yaxınlaşan Andrey ona bir sillə vurub. Lalə aldığı zərbədən yerə yıxılıb. Başı çarpayının dəmirinə dəyən qadın iki gün sonra xəstəxanada dünyasını dəyişib.Andrey Ağayevi saxlayan polis hadisəni araşdırandan sonra onun himayəsində bir az yaşlı uşağının olmasını nəzərə alaraq barəsində ev dustaqlığı həbs qəti imkan tədbiri seçib.Həbsdən canını qurtaran Andrey Ağayev imkansızlıqdan azyaşlı oğlu Nikolayı satmaq qərarına gəlib. Andrey bu istəyini ilk olaraq qonşularına bildirib.Uşağa görə, Andereyə 12 min ABŞ dolları və Leksus markalı avtomobil də təklif edənlər olub. Lakin həmin alıcılar Andreyin ürəyinə yatmadığından o oğlunu onlara satmaqdan imtina edib.Bir gün Nərmin adlı bir qadın Andreyin evinə gələrək uşağı almaq istədiyi bildirib. Uşağa baxan Nərmin onu bəyəndiyini və 10 min dollar verə biləcəyini deyib. Nərmini Andrey də bəyəndiyindən uşağı ona satmağa razılaşıb.Evdən çıxan Nərmin bir neçə saat sonra dediyi pulla uşağın arxasınca gəlib. Andrey pulu alaraq uşağı qadına verib. Bu vaxt mənzilə əməliyyatçılar daxil olub.Andrey uşağını satmadığını desə də evindən xüsusi nişanlanmış 10 min ABŞ dolları aşkarlananda hər şeyi etiraf edib.Məhkəmədə ifadə verən Andrey Ağayev uşağını imkanı olmadığı üçün satmaq istədiyini bildirib. Satmaqda da məqsədi pul əldə etmək yox, uşağı üçün yaxşı gələcək arzulaması olub. Onun üçün pul əsas olsaydı onu daha yüksək məbləğ təklif edənə satardı.Bütün tərəflər dinlənildikdən sonra prosesdə çıxış edən dövlət ittihamçısı Andrey Ağayevi insan alveri və qəsdən sağlamlığa ağır zərərvurmanın ehtiyatsızlıqdan zərərçəkmiş şəxsin ölümünə səbəb olma maddəsi ilə təqsirli bilib 12 il müddətinə azadlıqdan məhrum edilməsini məhkəmədən xahiş edib.Prosesdə çıxış edən vəkil diqqəti Ağayevin əməlində olan yüngülləşdirici hallara yönəltsə də Andrey “mənə güllələnmə verin” deyə qışqırıb.Hökmə əsasən elan olunan ittihamlardan təqsirli bilinən Andrey Ağayev 11 il müddətinə azadlıqdan məhrum edilib.
AZXEBER.COM
