Astroloq Hande Kazanova 28 iyul – 3 avqust həftəsi üçün bürcləri gözləyən hadisələrə dair proqnozlarını açıqlayıb.
AZXEBER.COM xəbər verir ki, o bu barədə öz sosial media hesabında paylaşım edib.
O, paylaşımında bildirib:
"Həftəyə Ayın Qız bürcündə başlaması ilə daxil oluruq. Ən önəmli və "sehrli” an isə 2 avqust Cümə günü saat 02:41-də baş verəcək Günəş-Merkuri qovuşması olacaq.
Bu qovuşma Aslan bürcündə reallaşacaq və yaradıcılıq, ümid və arzular üçün güclü enerjilər gətirəcək. Eyni zamanda Merkuri geriləmədə olduğu üçün bu həftə keçmişdə yarım qalmış planlara qayıtmaq və tamamlanmamış işləri bitirmək üçün əlverişli dövrdür.
İqtisadi baxımdan isə həftə enişli-yoxuşlu keçə bilər. 1 avqustda maliyyə məsələlərində ehtiyatlı davranmaq tövsiyə olunur.
Həftənin ortasında Venera Xərçəng bürcünə keçəcək. Bu keçid insanlarda daha həssas emosiyalar oyada, ailəyə və yaxınlara qarşı qoruyucu hissləri artıracaq. Lakin Veneranın Saturn və Neptunla gərgin aspektləri səbəbilə münasibətlərdə reallıqdan uzaq gözləntilər və potensial məyusluqlar yaşana bilər".
Kazanova bu həftə sevgi və ailə münasibətlərində daha diqqətli, sərhədləri müəyyən və realist davranmağı məsləhət görür.
Oksana
