Bu barədə məlumatı AZXEBER.COM-a Danimarka-Azərbaycan Dostluq Cəmiyyətinin sədri, danimarkalılara Azərbaycan musiqisini təbliğ edən Kəmalə Hüseynova verdi. "Danimakalılardan ibarət olan "Hafla” musiqi qrupu tərəfindən məşhur "Aman Ovçu” mahnısının ifası ictimaiyyət tərəfindən maraqla qarşılanıb. Bu günə qədər həmin qrup tərəfindən bir sıra milli mahnılarımız səsləndirilib. Əslində xaricilərin milli musiqimizə maraqlı olması ölkəmizin mədəniyyətinin tanıdılması baxımından mühum əhəmiyyət kəsb edir. İmkanlarımız daxilində təbliğatımızı aparırıq.

 

Onu əlavə edim ki, son illər danimarkalılar tərəfindən Azərbaycana diqqət artıb və ölkəmizi yaxından tanımaq istəyirlər.” K.Hüseynova "Aman Ovçu” mahnısını rəqsdə isə danimarkalı rəqqasə Mette Svaned tərəfindən ifa edildiyini qeyd etdi: "O, bu rəqsi iki dərsə öyrənib.

 

Bakıda olarkən Flarmoniyada Aydan Kamillidən dərs alıb. Eyni zamanda "Uzundərə” və "Qavalla” dərsini öyrənib.”