Bu barədə müğənninin konsertinin təşkilatçısı Rəşad Ani məlumat verib. O, bildirib ki, artıq neçə aydır ki, S.Qomezin menecerləri ilə danışıqlar aparır: “Uzun müddət işlərimdən uzaqlaşmağıma səbəb məhz Selena Qomezin Bakıda konsertinin təşkil olunmasıyla bağlı idi. Artıq müğənninin yaradıcı kollektiviylə və menecerləriylə danışıqlar aparmışam. 2013-cü ildə Selena Qomez Bakıdadır”.

Qeyd edək ki, Selena Qomez məşhur müğənni Castin Bieberin sevgilisidir. Məlumat üçün bildirək ki, məşhur “Emmi” mükafatına layiq görülən S.Qomez 1992-ci il iyulun 22-də ABŞ-ın Texsas şatatında Mendi Kornet və Rikardo Qomesin ailəsində dünyaya gəlib. Atası Rikardo əslən Latın Amerikasından, anası Mendi isə italyan-ingilis metisidir. S.Qomezın adını o vaxtlar tanınmış müğənni olan Selenanın şərəfinə qoyublar. Müğənninin 5 yaşı olanda valideynləri boşanıblar.

AzNews.az